وزیر ٹرانسپورٹ اینڈ ماس ٹرانزٹ بلال اکبر خان نے کہا ہے کہ وزیر اعلیٰ پنجاب مریم نواز شریف کی ہدایت پر تمام میٹرو بس سروسز، اورنج لائن میٹرو ٹرین، سپیڈو اور گرین الیکٹرک بسوں سے مفت سفری سہولت فراہم کی جا رہی ہے۔
مزید پڑھیں: پنجاب کابینہ: اسپیشل افراد، بزرگوں اور طلبہ کے لیے مفت سفر کی منظوری
پنجاب ماس ٹرانزٹ اتھارٹی کی رپورٹ کے مطابق 6 اپریل کو مسافروں کی تعداد 10 لاکھ 31 ہزار سے زائد تک پہنچ گئی۔ اورنج لائن میٹرو ٹرین سے قریباً 3 لاکھ 40 ہزار، لاہور میٹرو بس سروس سے 1 لاکھ 57 ہزار، اور سپیڈو بسز سے 1 لاکھ 63 ہزار سے زائد مسافروں نے فری سفر کیا۔
اسلام آباد راولپنڈی میٹرو بس فری ہونے کے بعد ہفتے کے آغاز پر ہی پہلے روز اسٹیشنز پر شدید رش، میٹرو عملہ شناختی کارڈ دیکھ کے فری ٹکٹ دینے لگا، لمبی لائینیں لگ گئی،فاتر، تعلیمی اداروں میں جانے والوں کو پریشانی کا سامنا، میٹرو اسٹیشنز پر تین تین لائنیں لگ گئیں، ایک لائن میں سینکڑوں… pic.twitter.com/fIIh3LrdN6
— Hussain Ahmed Ch (@HussainAhmedCh8) April 6, 2026
لاہور میں گرین الیکٹرک بسوں سے ساڑھے 23 ہزار، راولپنڈی میں گرین الیکٹرک بسوں سے قریباً 40 ہزار اور پاکستان میٹرو بس سروس سے 1 لاکھ 90 ہزار سے زائد مسافر مستفید ہوئے۔ ملتان میٹرو بس سسٹم سے 82 ہزار اور فیڈر روٹس سے قریباً 31 ہزار مسافروں نے سفر کیا۔
مزید پڑھیں: ہمت کارڈ: اب کون سے مسافر میٹرو، اورنج لائن میں مفت سفر کے مزے لے سکیں گے؟
عام دنوں کے مقابلے میں مفت سفری سہولت حاصل کرنے والوں کی تعداد میں 61 فیصد اضافہ ہوا، اور لوگ نجی سواری کے بجائے اس سہولت کو ترجیح دے رہے ہیں۔ وزیر ٹرانسپورٹ نے کہا کہ وزیر اعلیٰ کا یہ اقدام عوام میں شاندار پذیرائی حاصل کر چکا ہے۔
