وزیراعلیٰ پنجاب مریم نواز شریف سے چین کے معروف کاروباری ادارے کنلون گروپ اور سندر گرین گروپ کے وفد نے ملاقات کی جس میں پنجاب میں صنعتی ترقی اور سرمایہ کاری کے فروغ کے حوالے سے اہم فیصلے کیے گئے۔
یہ بھی پڑھیں: کینسر کے خلاف جنگ تیز، مریم نواز کی ہدایت پر اسپتال کی تعمیر 3 شفٹوں میں جاری
ملاقات کے دوران دونوں گروپوں نے لاہور میں سولر پینل مینوفیکچرنگ کے آغاز پر اتفاق کیا جبکہ کنلون گروپ سے 50 ہزار طلبہ کو چین میں ایڈوانس ووکیشنل اور انڈسٹریل ٹریننگ کرانے کا منصوبہ بھی طے پایا۔
مزید برآں لاہور میں باہمی اشتراک سے ہزار ایکڑ پر انڈسٹریل اسٹیٹ پروجیکٹ کی اصولی منظوری دی گئی اور پنجاب میں کوئلہ سے پیٹروکیمیکل مصنوعات حاصل کرنے کی ٹیکنالوجی منتقل کرنے کے امکانات کا جائزہ لیا گیا۔؎
وزیراعلیٰ مریم نواز شریف نے چینی اور مقامی سرمایہ کاروں کو یقین دہانی کرائی کہ پنجاب میں انڈسٹریلائزیشن کے لیے بھرپور معاونت فراہم کی جائے گی اور نئے منصوبوں سے پنجاب میں تقریباً 18 ہزار روزگار کے مواقع پیدا ہونے کی توقع ہے۔
مزید پڑھیے: پنجاب میں موٹرسائیکل مالکان پیٹرول رعایتی نرخ پر کیسے حاصل کریں؟ مریم نواز نے طریقہ بتادیا
ملاقات کے دوران مریم نواز شریف نے کہا کہ حکومت کو خود بزنس نہیں کرنا چاہیے بلکہ بزنس مین کی مکمل حمایت کرنی چاہیے۔
انہوں نے یہ بھی کہا کہ پنجاب سرمایہ کاری کے لیے موزوں ترین صوبہ بن چکا ہے اور پاکستان میں سولر مارکیٹ تیزی سے بڑھ رہی ہے جس کی وجہ انرجی بحران اور سولر ٹیکنالوجی کی منتقلی میں اضافہ ہے۔
وفد میں چین کے معروف ادارے انر منگولیا کول مائن کے سی ای او وانگ جین ہنان شنگ اور انویسٹمنٹ کمپنی کے سی ای او ژاؤ گانگ بو شامل تھے جبکہ سندر گرین گروپ کی طرف سے چیئرمین محمد عابد، سی ای او عظیم افتخار، ڈائریکٹر رانا فیصل حیات اور اوسس کے سی ای او دانش احمد بھی موجود تھے۔
مزید پڑھیں: وزیر اعلیٰ مریم نواز کے ماحول دوست اقدامات رنگ لائے، پنجاب میں فضائی معیار میں تاریخی بہتری
مریم نواز شریف نے ملاقات میں چین اور پاکستان کے دوستی کے اٹوٹ رشتے کو سراہا اور کہا کہ چین ہمیشہ پنجاب اور پاکستان کے لیے پسندیدہ سرمایہ کاری کا ملک رہا ہے۔
