بارڈر گارڈ بنگلہ دیش (بی جی بی) نے میانمار کی سرحد کے قریب منشیات کے خلاف کارروائیوں کے دوران بڑی مقدار میں میتھامفیٹامین کی گولیاں برآمد کی ہیں۔
منگل کے روز جاری بیان کے مطابق، کاکسز بازار کے علاقوں اکھیا اورٹیکناف کی سرحدی پٹی میں مختلف کارروائیوں کے دوران مجموعی طور پر 2 لاکھ 30 ہزار میتھ کی گولیاں ضبط کی گئیں۔
یہ بھی پڑھیں: ڈھاکہ میں انسانی اسمگلنگ نیٹ ورک کے خلاف کارروائی، 4 ملزمان گرفتار
بیان میں بتایا گیا کہ 64 اکھیا بٹالین کی موبائل ٹیموں نے مختلف سرحدی چوکیوں پر کارروائیاں کیں۔
اسی طرح جمبونگ کھالی کے قریب ایک آپریشن میں 10 ہزار میتھ گولیوں کے ساتھ ایک دیسی ساختہ ہتھیار بھی برآمد ہوا، جبکہ وائیکھیانگ چوکی پر کارروائی کے دوران مزید 20 ہزار میتھ گولیاں ضبط کی گئیں۔
سب سے بڑی کارروائی ہنالیہ سرحدی چوکی پر کی گئی، جہاں سے 2 لاکھ میتھ گولیاں برآمد ہوئیں۔ ضبط شدہ منشیات کی مالیت تقریباً 3 کروڑ ٹکا بتائی گئی ہے۔
مزید برآں، گزشتہ ایک ماہ کے دوران بی جی بی اہلکاروں نے ٹیکناف اور اُکھیہ کے علاقوں وہائیکھینگ اور پلونگ کھالی میں الگ الگ کارروائیوں کے دوران 3,900 کلو گرام کھاد بھی ضبط کی۔
مزید پڑھیں: بھارت کا بنگلہ دیش سے غیرقانونی آمدورفت روکنے کے لیے سرحدی علاقوں میں سانپ اور مگرمچھ چھوڑنے پر غور
ان کارروائیوں میں 6 مشتبہ افراد کو گرفتار کر کے مقدمات درج کرنے کے بعد مقامی پولیس کے حوالے کر دیا گیا۔
اکھیا بٹالین کے کمانڈنگ آفیسر زاہدالاسلام نے کہا کہ سرحدی علاقوں میں منشیات اور اسمگلنگ کے خلاف کارروائیاں بھرپور انداز میں جاری رہیں گی۔
