وزیراعظم شہباز شریف نے کہا ہے کہ مشرقِ وسطیٰ میں جاری کشیدگی کے پرامن حل کے لیے سفارتی کوششیں تیزی سے آگے بڑھ رہی ہیں اور مثبت نتائج کی امید ہے۔
ایکس پر اپنے ایک بیان میں وزیراعظم نے امریکی صدر ڈونلڈ ٹرمپ سے درخواست کی کہ سفارتی عمل کو کامیاب بنانے کے لیے ڈیڈ لائن میں دو ہفتوں کی توسیع کی جائے تاکہ مذاکرات کو مکمل ہونے کا موقع مل سکے۔
Diplomatic efforts for peaceful settlement of the ongoing war in the Middle East are progressing steadily, strongly and powerfully with the potential to lead to substantive results in near future. To allow diplomacy to run its course, I earnestly request President Trump to extend…
— Shehbaz Sharif (@CMShehbaz) April 7, 2026
وزیراعظم شہباز شریف نے ٹوئٹ امریکی صدر ڈونلڈ ٹرمپ، نائب صدر جے ڈی وینس، امریکی خصوصی ایلچی اسٹیو وٹکوف، ایران صدر مسعود پزشکیان، ایرانی وزیر خارجہ عباس عراقچی سمیت دیگر شخصیات کو ٹیگ بھی کیا ہے۔
انہوں نے کہا کہ پاکستان خلوص نیت کے ساتھ ایران سے بھی اپیل کرتا ہے کہ وہ خیر سگالی کے جذبے کے تحت دو ہفتوں کے لیے آبنائے ہرمز کو کھول دے۔
وزیراعظم شہباز شریف نے تمام فریقین پر زور دیا کہ وہ دو ہفتوں کے لیے مکمل جنگ بندی کریں تاکہ سفارتکاری کو موقع ملے اور جنگ کے خاتمے کی راہ ہموار ہو سکے۔
انہوں نے کہاکہ یہ اقدامات خطے میں دیرپا امن اور استحکام کے لیے نہایت ضروری ہیں اور عالمی برادری کو بھی اس سلسلے میں اپنا مثبت کردار ادا کرنا چاہیے۔
مزید پڑھیں: ڈیڈ لائن تک معاہدہ نہ ہوا تو ایران پر بڑے حملے کیے جائیں گے، ڈونلڈ ٹرمپ نے پھر دھمکی دیدی
واضح رہے کہ امریکی صدر ڈونلڈ ٹرمپ کی جانب سے ایران کو دی گئی ڈیڈلائن میں چند گھنٹے باقی ہیں، جبکہ پاکستان، ترکیہ اور مصر سمیت دیگر ممالک سیز فائر کے لیے سفارتی کردار ادا کررہے ہیں۔
