ڈیوڈ وارنر کے خلاف آسٹریلیا میں مبینہ نشے کی حالت میں ڈرائیونگ کے مقدمے پر کرکٹ نیو ساؤتھ ویلز نے باضابطہ ردعمل جاری کر دیا ہے۔
میڈیا رپورٹس کے مطابق بگ بیش لیگ میں سڈنی تھنڈر کے کپتان اور پاکستان سپر لیگ میں کراچی کنگز کی قیادت کرنے والے ڈیوڈ وارنر پر نیو ساؤتھ ویلز پولیس نے الزامات عائد کیے ہیں۔
Australian cricket great David Warner has been charged with drink driving in Sydney. Story: https://t.co/ROjGvZT5Up pic.twitter.com/SO7pgWSee4
— 7NEWS Adelaide (@7NewsAdelaide) April 7, 2026
کرکٹ نیو ساؤتھ ویلز کے چیف ایگزیکٹو لی جرمون نے اپنے بیان میں کہا کہ ادارہ اس معاملے سے آگاہ ہے اور نشے کی حالت میں ڈرائیونگ جیسے واقعات کو انتہائی سنجیدگی سے لیتا ہے۔ انہوں نے کہا کہ تنظیم ہمیشہ محفوظ ڈرائیونگ کی حوصلہ افزائی کرتی ہے اور اس حوالے سے کھلاڑیوں میں شعور بیدار کرنا اس کی ترجیح ہے۔
David Warner was arrested in Sydney on Sunday on a charge of drink driving after failing a breathalyser test.
AAP reported that Warner was over twice the legal limit to be able to drive when he was stopped for a random test by police. pic.twitter.com/E696Z6HRSQ
— ESPNcricinfo (@ESPNcricinfo) April 7, 2026
لی جرمون کے مطابق ڈیوڈ وارنر کو الزامات کی نوعیت کا مکمل علم ہے اور ادارہ آئندہ مراحل میں ان کی معاونت کرے گا۔ ساتھ ہی انہوں نے اس عزم کا اظہار کیا کہ تمام کھلاڑیوں کو ذمہ دارانہ رویے، خصوصاً محفوظ ڈرائیونگ کے بارے میں مزید آگاہی دی جائے گی۔
یاد رہے کہ اس معاملے پر تاحال حتمی قانونی کارروائی جاری ہے اور عدالت میں پیشی کے بعد مزید تفصیلات سامنے آنے کا امکان ہے۔
