لبنان نے پاکستان سے مطالبہ کیا کہ وہ جنگ بندی کی خلاف ورزی کرنے پر اسرائیل پر دباؤ ڈالے اور اپنی تشویش کا اظہار کرے۔
لبنانی پارلیمنٹ کے اسپیکر نبیہ بیری نے پاکستان کے سفیر لبنان سلمان اطہر سے ٹیلیفونک رابطہ کیا اور اسرائیل کی جانب سے جنگ بندی کی خلاف ورزیوں اور جنوبی لبنان پر جاری حملوں پر پاکستان کو تشویش سے آگاہ کرنے کی درخواست کی۔
یہ بھی پڑھیں: جنوبی لبنان میں لڑائی شدت اختیار کرگئی، 4 اسرائیلی فوجی ہلاک
نبیہ بیری نے پاکستان کی خطے میں قیام امن کے لیے کوششوں کو سراہا اور کہا کہ پاکستانی سفیر سے اپیل کی وہ مقامی حالات کی صحیح تصویر پاکستانی حکام تک پہنچائیں تاکہ وہ مؤثر سفارتی اقدامات کرسکیں۔
دوسری جانب اسرائیلی فوج نے لبنان کے جنوبی شہر تیرو کو نشانہ بنایا ہے اور علاقے کے رہائشیوں کو زبردستی علاقہ خالی کرنے کے نوٹس جاری کیے ہیں۔
اس سے پہلے بیروت کے مختلف علاقوں ہیرات رییک، غبیری لیلکی، حدتھ، برج البراجنہ، توحیدات الغدیر اور شیعہ میں رہائشیوں کو بھی جبری طور پر منتقل کرنے کے احکامات دیے گئے۔
یہ بھی پڑھیں: اسرائیل لبنان میں شہریوں پر حملے بند کرے، امریکا
لبنان میںاسرائیل کے حملوں اور لبنان پر پھیلے ہوئے حملوں کے نتیجے میں کم از کم 12 لاکھ لوگ بے گھر ہو چکے ہیں۔
بدھ کے روز ساحلی شہر صیدا میں ایک فضائی حملے میں کم از کم 8 افراد ہلاک ہوئے۔ یہ واقعہ اس وقت پیش آیا جب پاکستان نے اعلان کیا تھا کہ امریکا اور ایران کے درمیان جنگ بندی نافذ ہوچکی ہے۔
اسرائیل کا کہنا ہے کہ امریکا اور ایران کے درمیان جنگ بندی لبنان پر لاگو نہیں ہوگی۔
