پاکستانی شوبز انڈسٹری کی معروف اداکاراؤں دیدار اور ریشم کے درمیان جاری لفظی تنازع نے شدت اختیار کر لی ہے جس پر سوشل میڈیا اور شوبز حلقوں میں خاصی بحث جاری ہے۔
حال ہی میں دیدار نے ایک ٹی وی شو میں گفتگو کرتے ہوئے ریشم کو شدید تنقید کا نشانہ بنایا۔ انہوں نے کہا کہ ریشمم حقیقی زندگی میں بھی منفی رویوں کی حامل ہیں اور کئی لوگوں کی زندگیاں تباہ کر چکی ہیں۔
دیدار کے ان الزامات کے بعد ریشم نے خاموشی توڑتے ہوئے ردعمل دیا۔ انہوں نے براہِ راست نام لیے بغیر کہا کہ کچھ لوگ ان کے فلاحی کاموں، خصوصاً لنگر کی سرگرمیوں سے حسد کرتے ہیں۔ ان کا کہنا تھا کہ بعض افراد اپنی الگ شناخت بنانے میں ناکام رہتے ہیں اور دوسروں کے حوالے سے پہچانے جاتے ہیں۔
اس تنازع میں مداخلت کرتے ہوئے پنجاب کی وزیر اطلاعات عظمیٰ بخاری نے دونوں اداکاراؤں کو تحمل کا مظاہرہ کرنے کا مشورہ دیا۔ انہوں نے سوشل میڈیا پر اپنے بیان میں کہا کہ فنکاروں کو ایک دوسرے کے خلاف نامناسب زبان استعمال نہیں کرنی چاہیے اور دیدار کو معافی مانگنے کا بھی مشورہ دیا۔
View this post on Instagram
عظمیٰ بخاری کے بیان کو ریشم نے سراہتے ہوئے شیئر کیا اور انہیں ایک اچھی دوست قرار دیا۔ دوسری جانب دیدار نے اس پر ردعمل دیتے ہوئے واضح کیا کہ وہ کسی دباؤ میں آ کر معافی نہیں مانگیں گی اور انہیں کوئی زبردستی اس بات پر مجبور نہیں کر سکتا۔
اداکاراؤں کے درمیان جاری یہ تنازع سوشل میڈیا پر تیزی سے توجہ حاصل کر رہا ہے، جہاں صارفین مختلف آرا کا اظہار کر رہے ہیں۔
