صدر آصف علی زرداری نے مسجد اقصیٰ (الحرم الشریف) پر اسرائیلی افواج کے دھاوے کی شدید الفاظ میں مذمت کرتے ہوئے اسے بین الاقوامی قوانین کی خلاف ورزی اور مقدس مقام کی حرمت پر حملہ قرار دیا ہے۔
مزید پڑھیں: مسجد اقصیٰ کی بے حرمتی عالمی قوانین کی خلاف ورزی ہے، پاکستان
6 اپریل کے واقعے کا حوالہ دیتے ہوئے صدر نے اسے اشتعال انگیزی قرار دیا اور مسجد اقصیٰ کی مذہبی و قانونی حیثیت تبدیل کرنے کی کسی بھی کوشش کو مسترد کر دیا۔
انہوں نے رمضان اور عید کے دوران عبادت گزاروں کی رسائی پر پابندیوں پر تشویش کا اظہار کرتے ہوئے کہا کہ خطے کی موجودہ صورتحال، خصوصاً امریکا اور ایران کے درمیان کشیدگی، کو ایسے اقدامات کے جواز کے طور پر استعمال کیا جا رہا ہے۔
مزید پڑھیں: رمضان کے آخری جمعہ پر بھی فلسطینیوں کو مسجد اقصیٰ میں داخلہ نہ مل سکا
صدر نے عالمی برادری سے فوری اقدامات کا مطالبہ کرتے ہوئے فلسطینی عوام کی غیر متزلزل حمایت کا اعادہ کیا اور ایک آزاد ریاست کے قیام کی حمایت کی، جس کا دارالحکومت القدس الشریف ہو۔
