وزیر خزانہ کے مشیر خرم شہزاد نے کہا ہے کہ ایشیئن ڈیولپمنٹ بینک کی تازہ رپورٹ کے مطابق پاکستان کی معاشی شرح نمو آئندہ برسوں میں بڑھ کر 4.5 فیصد تک پہنچنے کی توقع ہے، جو جاری اصلاحات اور سرمایہ کاری میں اضافے کا نتیجہ ہوگی۔
یہ بھی پڑھیں:عالمی توانائی بحران مہینوں تک جاری رہ سکتا ہے، وزیر خزانہ محمد اورنگزیب کا انتباہ
خرم شہزاد نے ’ایکس‘ پر کی گئی ٹوئٹ میں بتایا کہ ایشیئن ڈیولپمنٹ بینک کے مطابق مالی سال 2026 میں جی ڈی پی شرح نمو 3.5 فیصد سے بڑھ کر مالی سال 2027 میں 4.5 فیصد ہو جائے گی۔ رپورٹ میں کہا گیا ہے کہ معیشت میں استحکام آ چکا ہے اور صنعتی شعبے میں بہتری اور سرمایہ کاری میں اضافہ ترقی کی رفتار کو تیز کرے گا، تاہم اس تسلسل کو برقرار رکھنے کے لیے اصلاحات کا جاری رہنا ضروری ہے۔
𝗔𝘀𝗶𝗮𝗻 𝗗𝗲𝘃𝗲𝗹𝗼𝗽𝗺𝗲𝗻𝘁 𝗕𝗮𝗻𝗸 𝘀𝗲𝗲𝘀 𝗣𝗮𝗸𝗶𝘀𝘁𝗮𝗻 𝗚𝗗𝗣 𝗮𝘁 𝟰.𝟱%
Pakistan’s growth is projected to accelerate to 4.5% by FY27, according to Asian Development Bank (ADB). Here are the key takeaways:
𝗜𝗺𝗽𝗿𝗼𝘃𝗶𝗻𝗴 𝗚𝗿𝗼𝘄𝘁𝗵 𝗢𝘂𝘁𝗹𝗼𝗼𝗸
GDP… pic.twitter.com/QGJZzdTYoo
— Khurram Schehzad (@kschehzad) April 10, 2026
انہوں نے مزید کہا کہ مہنگائی کی شرح میں معمولی اضافہ متوقع ہے جو مالی سال 2026 میں 6.4 فیصد اور 2027 میں 6.5 فیصد رہ سکتی ہے، جس کی بڑی وجہ عالمی تیل کی قیمتوں میں اضافہ اور مشرق وسطیٰ کی کشیدگی کے باعث تجارتی رکاوٹیں ہیں۔ رپورٹ میں خبردار کیا گیا ہے کہ اگر مشرق وسطیٰ میں تنازع طویل ہوا تو توانائی لاگت میں اضافے، ترسیلات زر میں کمی اور کرنٹ اکاؤنٹ خسارے میں اضافے کے باعث معاشی ترقی کو خطرات لاحق ہو سکتے ہیں۔
یہ بھی پڑھیں:ہماری حکومت کو ختم نہ کیا جاتا تو ہم ایشیئن ٹائیگر بن چکے ہوتے، نوازشریف
خرم شہزاد کے مطابق میکرو اکنامک نظم و ضبط اور ساختی اصلاحات معاشی استحکام، سرمایہ کاری کے فروغ اور بیرونی جھٹکوں کے خلاف مزاحمت بڑھانے کے لیے ناگزیر ہیں، جبکہ پاکستان کی معیشت بتدریج مضبوط بنیادوں پر استوار ہو رہی ہے اور آئندہ عرصے میں پائیدار ترقی کے امکانات روشن ہیں۔
