پاکستان ویمن نیشنل فٹبال ٹیم نے اپنے پہلے بین الاقوامی مقابلے میں شاندار کارکردگی کا مظاہرہ کرتے ہوئے تاریخ کی سب سے بڑی کامیابی حاصل کرلی۔
مزید پڑھیں:فیفا ورلڈ کپ 2026، شائقین کے لیے ٹکٹس کی خریداری کا آخری موقع
آئیوری کوسٹ میں جاری ایونٹ کے افتتاحی میچ میں پاکستان نے ٹرکس اینڈ کیکوس ویمن فٹبال ٹیم کو یکطرفہ مقابلے کے بعد صفر کے مقابلے میں 8 گول سے شکست دی۔
پاکستانی ٹیم نے کھیل کے آغاز سے ہی مکمل برتری قائم رکھی جبکہ حریف ٹیم پورے میچ میں ایک بھی گیند گول کی سمت نہ بھیج سکی۔
Pakistan Women get their biggest victory EVER on their FIFA debut to kickstart their campaign in Ivory Coast
Pakistan beat Turks and Caicos 8-0 convincingly with the opponent not even having a single shot on target.@iamabidmalik @FIFAcom @KulAalam pic.twitter.com/wFEYjK6nW2— Media Talk (@mediatalk922) April 10, 2026
یہ کامیابی قومی ویمن ٹیم کے لیے ایک تاریخی سنگ میل ہے، جس سے عالمی سطح پر ٹیم کی مضبوط انٹری ثابت ہوئی ہے۔
ٹورنامنٹ میں پاکستان کا اگلا مقابلہ موریطانیہ ویمن فٹبال ٹیم کے خلاف 12 اپریل کو ہوگا، جبکہ 17 اپریل کو میزبان آئیوری کوسٹ ویمن فٹبال ٹیم کے مدمقابل آئے گی۔
مزید پڑھیں:فیفا عالمی رینکنگ: فرانس سب سے آگے، پاکستان کا 202واں نمبر
شاندار آغاز کے بعد ٹیم سے آئندہ میچز میں بھی بہترین کارکردگی کی توقع کی جا رہی ہے۔
