وفاقی وزیر خزانہ محمد اورنگزیب نے کہا ہے کہ پاکستان کی معاشی ترقی کے لیے سرکاری اور نجی شعبے کے درمیان مضبوط شراکت داری ضروری ہے، حکومت معاشی استحکام کے ساتھ پائیدار ترقی کے لیے اصلاحات اور اقدامات جاری رکھے ہوئے ہے۔
مزید پڑھیں:وفاقی وزیر خزانہ محمد اورنگزیب نے سینٹر فار گورنمنٹ ڈیٹا اینالیٹکس کا افتتاح کر دیا
اسلام آباد میں ایگزم بینک کی تقریب سے خطاب کرتے ہوئے وزیر خزانہ نے کہا کہ معاشی ترقی کا عمل سرمایہ کاری اور کاروباری سرگرمیوں کے فروغ سے جڑا ہے، حکومت کی ترجیحات میں برآمدات، سرمایہ کاری اور پیداواری صلاحیت میں اضافہ شامل ہے۔
https://t.co/nqVbxbfDJp
Islamabad: Federal Minister Muhammad Aurangzeb Addresses Ceremony@FinanceGovPK #MuhammadAurangzeb #FederalMinister #Islamabad #Pakistan #Ceremony #FinanceMinister #PakistanNews— Sindh Voice (@sindhvoice1234) August 31, 2026
محمد اورنگزیب نے کہا کہ پاکستان میں کاروبار اور سرمایہ کاری کے لیے سازگار ماحول پیدا کرنا حکومت کی ترجیح ہے، جبکہ ایکسپورٹ فنانس ملکی برآمدات کے فروغ میں اہم کردار ادا کرسکتا ہے۔
ان کا کہنا تھا کہ نجی شعبے کی ترقی سے روزگار کے نئے مواقع پیدا ہوں گے، پاکستان کی معیشت کو امداد سے تجارت اور سرمایہ کاری کی جانب لے جانا ہے۔
مزید پڑھیں:چھوٹے دکانداروں کے لیے ٹیکس اسکیم آسان اور اختیاری ہے، وفاقی وزیر خزانہ محمد اورنگزیب
وفاقی وزیر خزانہ نے کہا کہ عالمی مالیاتی اداروں اور کاروباری برادری کے ساتھ تعاون مزید بڑھانا ہوگا تاکہ معاشی ترقی کے ثمرات عوام تک پہنچ سکیں، حکومت معاشی شعبے میں اصلاحات کے عمل کو بھی آگے بڑھا رہی ہے۔
