وفاقی وزیر خزانہ سینیٹر محمد اورنگزیب نے سعودی عرب کے وزیر خزانہ محمد بن عبداللہ الجدعان کو ان کے دورۂ پاکستان کے اختتام پر گزشتہ رات اسلام آباد انٹرنیشنل ایئرپورٹ پر رخصت کیا۔
اس موقع پر دونوں رہنماؤں کے درمیان خوشگوار ملاقات ہوئی جس میں پاکستان اور سعودی عرب کے درمیان مضبوط دوطرفہ تعلقات اور جاری معاشی تعاون پر مختصر تبادلہ خیال کیا گیا۔
یہ بھی پڑھیے: مشرق وسطیٰ میں امن کا مشن: اسحاق ڈار کے سعودی عرب، ترکیہ، مصر اور مراکش کے وزرائے خارجہ سے رابطے
سینیٹر محمد اورنگزیب نے اس خواہش کا بھی اظہار کیا کہ وہ آئندہ ورلڈ بینک و آئی ایم ایف بہاری اجلاس کے موقع پر واشنگٹن میں محمد بن عبداللہ الجدعان سے دوبارہ ملاقات کریں گے، جو دونوں برادر ممالک کے قریبی اور دیرینہ تعلقات کی عکاسی کرتا ہے۔
گزشتہ روز وزیراعظم پاکستان شہباز شریف نے سعودی عرب کے وزیر خزانہ محمد بن عبداللہ الجدعان نے ایک روزہ دورے کے دوران ملاقات کی، جس میں دوطرفہ تعلقات کو مزید مضبوط بنانے کا عزم کیا گیا۔
یہ بھی پڑھیے: سعودی و ایرانی وزرائے خارجہ کا رابطہ، خطے کی صورتحال پر تبادلہ خیال
ملاقات میں نائب وزیراعظم و وزیر خارجہ محمد اسحاق ڈار اور چیف آف ڈیفنس فورسز فیلڈ مارشل سید عاصم منیر بھی شریک تھے۔
