نائب وزیراعظم و وزیر خارجہ سینیٹر اسحاق ڈار نے گزشتہ رات کینیڈا کی وزیر خارجہ انیتا آنند سے ٹیلیفونک رابطہ کیا، جس میں حالیہ پیش رفت پر تبادلہ خیال کیا گیا، بالخصوص اسلام آباد میں ہونے والے امریکا اور ایران مذاکرات کے حوالے سے گفتگو کی گئی۔
دفترِ خارجہ کے ترجمان کے مطابق کینیڈین وزیر خارجہ نے مذاکرات کے انعقاد میں پاکستان کے کردار کو سراہا اور اسے اہم سفارتی پیش رفت قرار دیا۔
یہ بھی پڑھیے: اسحاق ڈار سے چینی سفیر جیانگ زیڈونگ کی ملاقات، امریکا ایران مذاکرات کی ثالثی پر پاکستان کو خراج تحسین
اس موقع پر اسحاق ڈار نے تمام فریقین کی جانب سے جنگ بندی پر عملدرآمد کی اہمیت پر زور دیتے ہوئے کہا کہ پاکستان مکالمے اور سفارتکاری کے فروغ کے لیے اپنی حمایت جاری رکھے گا۔
ترجمان کے مطابق دونوں رہنماؤں نے باہمی رابطے برقرار رکھنے پر اتفاق بھی کیا۔
