وزیراعظم محمد شہباز شریف نے دوحہ میں امیرِ قطر شیخ تمیم بن حمد الثانی سے ملاقات میں علاقائی صورتحال، امن و استحکام اور باہمی تعاون کے فروغ پر تبادلہ خیال کیا۔ وزیراعظم نے قطر کی جانب سے پاکستانی طیارے کو جنگی جہازوں کے ذریعے دیے گئے شاندار استقبال پر شکریہ بھی ادا کیا۔
وزیراعظم محمد شہباز شریف نے سماجی رابطے کے پلیٹ فارم’ایکس‘ پر اپنی ایک پوسٹ میں کہا ہے کہ ان کی قطر کے امیر شیخ تمیم بن حمد الثانی کے ساتھ دوحہ میں نہایت گرمجوشی اور خوشگوار ماحول میں ملاقات ہوئی، جس میں دوطرفہ تعلقات اور علاقائی صورتحال پر تفصیلی گفتگو کی گئی۔
دوحہ: 16 اپریل 2026.
وزیرِ اعظم محمد شہباز شریف کے دورہء قطر کے دوران وزیرِ اعظم کا شاندار استقبال ہوا.
قطر کی حدود میں داخل ہوتے ہی قطری فضائیہ کے لڑاکا طیاروں نے وزیرِ اعظم کے جہاز کو حفاظتی حصار میں ایئر پورٹ تک چھوڑا. وزیرِ اعظم نے قطری قیادت اور پائیلٹس کا اس شاندار… pic.twitter.com/Bup5TFIPdG
— Prime Minister’s Office (@PakPMO) April 16, 2026
وزیراعظم نے امیرِ قطر کا شکریہ ادا کرتے ہوئے کہا کہ پاکستانی عوام کی جانب سے وہ اس غیر معمولی اور پرخلوص اقدام پر ممنون ہیں، جس کے تحت قطر کے جنگی طیاروں نے ان کے طیارے کو قطری فضائی حدود میں داخلے پر اسکواڈرن کی صورت میں استقبال کیا۔
انہوں نے کہا کہ یہ اقدام نہ صرف قطر کی روایتی مہمان نوازی کی عکاسی کرتا ہے بلکہ دونوں ممالک کے درمیان مضبوط اور دیرینہ تعلقات کا بھی مظہر ہے۔
I had a most warm and cordial meeting with my dear brother, Amir of Qatar His Highness Sheikh Tamim bin Hamad Al Thani, in Doha today.
I thanked His Highness the Amir on behalf of the people of Pakistan for the exceptionally warm and generous gesture of sending Qatar’s fighter…
— Shehbaz Sharif (@CMShehbaz) April 16, 2026
ملاقات کے دوران دونوں رہنماؤں نے خطے کی بدلتی ہوئی صورتحال، خصوصاً خلیجی خطے کے حالات پر تبادلہ خیال کیا اور اس بات پر زور دیا کہ کشیدگی میں کمی، مذاکرات اور عالمی سطح پر قریبی رابطہ کاری کے ذریعے امن اور استحکام کو یقینی بنایا جا سکتا ہے۔
وزیراعظم نے قطر اور دیگر علاقائی ممالک کو نشانہ بنانے والے حملوں کی سخت مذمت کا اعادہ کرتے ہوئے کہا کہ پاکستان برادر ملک قطر کے عوام کے ساتھ مکمل یکجہتی کا اظہار کرتا ہے۔
دونوں رہنماؤں نے پاکستان اور قطر کے درمیان گہرے اور مضبوط تعلقات کا بھی جائزہ لیا اور اس عزم کا اظہار کیا کہ سیکیورٹی، دفاع اور توانائی سمیت اہم شعبوں میں تعاون کو مزید فروغ دیا جائے گا۔
وزیراعظم کے مطابق یہ ملاقات انتہائی خوشگوار اور نتیجہ خیز رہی، جو پاکستان اور قطر سمیت خلیجی ممالک کے ساتھ دیرینہ اور مضبوط تعلقات کی عکاسی کرتی ہے۔
Qatari Minister of State for Foreign Affairs, Sultan bin Saad Al-Muraikhi receiving Prime Minister Muhammad Shehbaz Sharif and Pakistani delegation upon their arrival at Doha Airport. 16 April, 2026. pic.twitter.com/slcZ0VcKWj
— Prime Minister’s Office (@PakPMO) April 16, 2026
وزیراعظم محمد شہباز شریف کا استقبال
اس سے قبل وزیراعظم محمد شہباز شریف کے دورۂ قطر کے دوران ان کا شاندار اور منفرد انداز میں استقبال کیا گیا، جہاں قطری فضائیہ کے جنگی طیاروں نے ان کے طیارے کو فضائی حدود میں داخل ہوتے ہی حفاظتی حصار میں لے لیا۔
تفصیلات کے مطابق وزیراعظم کا طیارہ جیسے ہی قطر کی فضائی حدود میں داخل ہوا تو قطری فضائیہ کے لڑاکا طیاروں نے اسے حفاظتی حصار میں لے کر ائیرپورٹ تک اسکارٹ کیا۔ اس موقع پر وزیراعظم شہباز شریف نے اس پرتپاک اور باوقار استقبال پر قطری قیادت اور پائلٹس کا شکریہ ادا کیا۔
سرکاری ذرائع کے مطابق یہ اقدام دونوں ممالک کے درمیان قریبی تعلقات اور باہمی احترام کی عکاسی کرتا ہے، جبکہ وزیراعظم کے دورے کو دوطرفہ روابط کے فروغ کے لیے اہم قرار دیا جا رہا ہے۔
