اسلام آباد میں دکانوں، مارکیٹس اور شاپنگ مالز کے نئے اوقات کار جاری کر دیے گئے ہیں، جن کے تحت انہیں رات 8 بجے بند کرنا لازمی ہوگا۔
جاری نوٹیفکیشن کے مطابق میڈیکل اسٹورز، اسپتال، پیٹرول پمپس اور ڈیری شاپس اس پابندی سے مستثنیٰ ہوں گے۔ اسی طرح ریسٹورنٹس، ہوٹلز، بیکریاں، کریانہ، گوشت، پھل اور سبزی کی دکانیں رات 10 بجے تک کھلی رہ سکیں گی۔
اسلام آباد
اسلام آباد میں تمام مارکیٹس اور شاپنگ مالز روزانہ آٹھ بجے بند ہوں گے،
ریسٹورنٹس کریانہ اور فوڈ آؤٹ لیٹس رات دس بجے تک بند کرنا ہوں گے،
شادی ہالز مارکیز اور تقریباتی مقامات رات دس بجے بند کیے جائیں گے،
اسپورٹس سہولیات کلبز اور جم روزانہ آٹھ بجے بند رکھے جائیں گے،… pic.twitter.com/v16bAS9TvE
— Ali Imran Abbasi (@aliimranabbasi) April 16, 2026
نوٹیفکیشن میں واضح کیا گیا ہے کہ وفاقی دارالحکومت میں ٹیک اوے اور ہوم ڈیلیوری سروسز پر کسی قسم کی پابندی نہیں ہوگی۔
مزید بتایا گیا ہے کہ شادی ہالز، مارکیز اور تمام قسم کی تقریبات رات 10 بجے تک ختم کرنا لازمی قرار دیا گیا ہے، جبکہ پرائیویٹ تقاریب بھی اسی وقت تک مکمل کرنا ہوں گی۔
اس کے علاوہ جمز، کلبز اور کھیلوں کی سہولیات کو رات 8 بجے بند کرنے کی ہدایت جاری کی گئی ہے۔
نوٹیفکیشن کے مطابق احکامات فوری طور پر نافذ العمل ہوں گے اور اگلے حکم تک برقرار رہیں گے۔
