نائیجیریا نے سنہ 2026 میں ملک بھر میں بڑے پیمانے پر ممکنہ سیلاب کے خطرے سے خبردار کرتے ہوئے 33 ریاستوں میں خطرے کا الرٹ جاری کر دیا ہے۔
یہ بھی پڑھیں: 16 سے 19 اپریل تک بارش اور برفباری کی پیشگوئی، لینڈ سلائیڈنگ اور سیلاب کا الرٹ جاری
یہ انتباہ ایسے وقت میں سامنے آیا ہے جب گزشتہ برس انڈونیشیا، سری لنکا، تھائی لینڈ، ملائیشیا، فلپائن، ویتنام، پاکستان، بھارت، نیپال، جنوبی کوریا، چین، امریکا اور یورپ سمیت کئی خطے شدید سیلابی تباہ کاریوں کا سامنا کر چکے ہیں اور اب مغربی افریقہ بھی اس خطرے کی زد میں ہے۔
نیشنل ہائیڈرولوجیکل ایجنسی کے مطابق اس سال بارشوں کے دوران صورتحال معمول سے زیادہ خطرناک ہو سکتی ہے جبکہ سیلاب کی شدت جولائی سے ستمبر کے درمیان اپنے عروج پر پہنچنے کا امکان ہے، جو بارشوں کے موسم کا سب سے زیادہ شدید دور ہوتا ہے۔
رپورٹ میں بتایا گیا ہے کہ ملک بھر میں 36 ریاستوں اور وفاقی دارالحکومت سمیت 14 ہزار سے زائد کمیونٹیز کو شدید خطرہ لاحق ہے جبکہ مزید 15 ہزار 600 کمیونٹیز کو درمیانے درجے کے خطرے میں شمار کیا گیا ہے۔ اس طرح مجموعی طور پر لاکھوں افراد متاثر ہونے کے خدشات موجود ہیں۔
The Federal Government has revealed that 226 local government areas in 33 states of the federation and the Federal Capital Territory fall within the high flood risk areas identified in 2026.
See the affected states via the link below.https://t.co/tgYW8vMreJ pic.twitter.com/2liJUVFohq
— Channels Television (@channelstv) April 15, 2026
نائیجیریا میں بارشوں کا موسم اپریل سے اکتوبر تک جاری رہتا ہے اور ہر سال سیلاب کی صورتحال پیدا ہوتی ہے تاہم حالیہ برسوں میں ان واقعات کی شدت میں اضافہ دیکھا گیا ہے جس کے نتیجے میں بڑے پیمانے پر نقل مکانی، زرعی نقصانات اور سینکڑوں اموات رپورٹ ہو چکی ہیں۔
ایجنسی نے خبردار کیا ہے کہ شدید بارشوں اور فلیش فلڈنگ کی صورت میں شہر، زرعی زمینیں اور اہم بنیادی ڈھانچہ شدید متاثر ہو سکتے ہیں۔ رپورٹ میں خاص طور پر دارالحکومت ابوجا، تجارتی شہر لاگوس اور پورٹ ہارکورٹ کو خطرے والے شہروں میں شامل کیا گیا ہے۔
مزید یہ کہ ساحلی ریاستیں جیسے بےیلسا، ڈیلٹا، ریورز اور لاگوس کو دریا اور سمندری سیلاب کے حوالے سے زیادہ خطرناک قرار دیا گیا ہے جہاں صورتحال زیادہ سنگین ہو سکتی ہے۔
