بھارتی کرکٹ اسٹار ویرات کوہلی نے مبینہ طور پر ایک جرمن انفلوئنسر کی انسٹاگرام پوسٹ کو لائک کرنے کے بعد وہ لائک ہٹا دیا ہے جس کے بعد سوشل میڈیا پر ایک بار پھر ان کے انسٹاگرام استعمال سے متعلق بحث شروع ہوگئی ہے۔
یہ واقعہ اس وقت سامنے آیا جب صارفین نے دعویٰ کیا کہ ویرات کوہلی نے جرمن وی لاگر لزلاز کی ایک پرانی انسٹاگرام پوسٹ کو لائک کیا تھا جس کی تصویر 30 جنوری کی ہے اور اس کا کیپشن “Some golden hour shots” تھا۔ تاہم یہ واضح نہیں ہو سکا کہ انہوں نے یہ لائک کب کیا تھا۔
View this post on Instagram
بعد ازاں صارفین کی جانب سے اس معاملے کو نمایاں کیے جانے اور اسکرین شاٹس وائرل ہونے کے بعد مبینہ طور پر وہ ’لائک‘ انسٹاگرام پوسٹ سے غائب ہو گیا، جس سے اندازہ لگایا جا رہا ہے کہ اسے واپس لے لیا گیا ہے۔
یہ پہلا موقع نہیں ہے کہ ویرات کوہلی کے سوشل میڈیا ایکشنز زیر بحث آئے ہوں۔ اس سے قبل انہوں نے اداکارہ اویت کُر کی ایک تصویر کو لائک کیا تھا، جس پر سوشل میڈیا پر مختلف قیاس آرائیاں کی گئیں۔ اس وقت انہوں نے انسٹاگرام اسٹوری کے ذریعے وضاحت دیتے ہوئے کہا تھا کہ یہ ایک الگورتھم یا فیڈ کلیئر کرنے کے دوران ہونے والی غیر ارادی سرگرمی ہو سکتی ہے اور اس میں کسی قسم کا ارادہ شامل نہیں تھا۔
اس واقعے کے بعد بھی سوشل میڈیا صارفین کی جانب سے مختلف تبصرے سامنے آئے ہیں۔ کچھ صارفین نے طنزیہ انداز میں ’الگورتھم‘ کا ذکر کیا جبکہ بعض نے اس معاملے پر دلچسپ تبصرے اور میمز شیئر کیں۔ کچھ صارفین نے انوشکا شرما کو بھی پوسٹ میں ٹیگ کیا۔
