حطار انڈسٹریل اسٹیٹ میں سوئی گیس پائپ لائن پھٹنے کے واقعے میں آتشزدگی کے باعث افسوسناک حادثہ پیش آیا، جس میں ابتدائی اطلاعات کے مطابق 8 افراد جاں بحق جبکہ 5 افراد زخمی ہو گئے۔
مزید پڑھیں:پاناما میں مشہور پل کے قریب زوردار دھماکا اور آتشزدگی، تحقیقات شروع
حادثے کے فوری بعد کمشنر آفس ہزارہ نے نوٹس لیتے ہوئے انکوائری کا حکم جاری کر دیا ہے۔ کمشنر ہزارہ کی ہدایت پر ڈپٹی کمشنر ہری پور وسیم احمد کی نگرانی میں ایک 7 رکنی تحقیقاتی کمیٹی تشکیل دی گئی ہے۔
کمیٹی میں ڈپٹی کمشنر ہری پور، ڈی پی او ہری پور، ڈسٹرکٹ ایمرجنسی آفیسر ریسکیو 1122، سوئی گیس کے ایگزیکٹو انجینئر، ڈی ایچ کیو کے ایم ایس، ایڈیشنل اسسٹنٹ کمشنر (ٹو) اور اسسٹنٹ ڈائریکٹر انڈسٹری ہری پور شامل ہیں۔
حکام کے مطابق یہ کمیٹی حادثے کی نوعیت، وجوہات اور ذمہ داروں کا تعین کرے گی اور 24 گھنٹوں کے اندر اپنی رپورٹ کمشنر ہزارہ کو پیش کرے گی۔
مزید پڑھیں:کراچی: آتشزدگی پر مکمل قابو پانے تک واٹر ٹینکرز کی فراہمی جاری رہے گی
انتظامیہ کا کہنا ہے کہ واقعے کی مکمل تحقیقات کے بعد آئندہ ایسے حادثات کی روک تھام کے لیے سفارشات بھی مرتب کی جائیں گی۔
