وزیراعظم پاکستان شہباز شریف کی انطالیہ ڈپلومیسی فورم میں شریک عالمی رہنماؤں سے غیر رسمی ملاقاتیں ہوئی ہیں۔
وزیراعظم شہباز شریف کی ترک صدر رجب طیب اردوان، امیر قطر شیخ تمیم بن حمد آل ثانی، قازقستان کے صدر قاسم جومارت توکائیف، آذربائیجان کے صدر الہام علیئف، شامی صدر احمد الشرح سے ملاقاتیں ہوئیں۔
انطالیہ: 17 اپریل 2026.
وزیرِ اعظم کی انطالیہ ڈپلومیسی فورم کے موقع پر فورم میں شریک عالمی رہنماؤں سے غیر رسمی ملاقاتیں ہوئیں.
وزیرِ اعظم کی ترک صدر رجب طیب ایردوان، میر قطر شیخ تمیم بن حمد آلثانی قازقستان کے صدر قاسم جومارت توکائیف، آذربائیجان کے صدر الہام علیئف، شامی صدر… pic.twitter.com/Mpi03Hyt04
— Prime Minister’s Office (@PakPMO) April 17, 2026
وزیراعظم کی قطر کے وزیراعظم و وزیرِ خارجہ شیخ محمد بن عبدالرحمان بن جاسم آل ثانی اور کوسوو کی سابق صدر ویوسا عثمانی سے بھی ملاقاتیں ہوئیں۔
ملاقاتیں خوشگوار ماحول میں ہوئیں۔ اس دوران وزیراعظم عالمی رہنماؤں کی توجہ کا مرکز رہے۔ ملاقاتوں میں عالمی سطح اور خطے کی صورتحال پر بھی تبادلہ خیال ہوا۔
ترک صدر رجب طیب اردوان نے انطالیہ ڈپلومیسی فورم سے خطاب کرتے ہوئے وزیراعظم شہباز شریف کی تعریف کرتے ہوئے کہاکہ ان کی کوششوں سے خطے میں جنگ رک گئی۔
انہوں نے کہاکہ اس وقت دنیا بھر میں غیر یقینی صورتحال پائی جاتی ہے اور مختلف خطوں میں تنازعات انسانیت کو شدید نقصان پہنچا رہے ہیں۔
