وزیراعظم پاکستان شہباز شریف نے کہا ہے کہ وہ پاکستان کے عوام، فیلڈ مارشل سید عاصم منیر اور اپنی طرف سے امریکی صدر ڈونلڈ ٹرمپ کے مہربان اور خیرسگالی پر مبنی الفاظ کو قدر کی نگاہ سے دیکھتے ہیں۔
وزیراعظم شہباز شریف نے سماجی رابطے کی سائٹ ایکس پر امریکی صدر کی پوسٹ شیئر کرتے ہوئے ان جذبات کا اظہار کیا، اور ڈونلڈ ٹرمپ کو ٹیگ بھی کیا۔
Mr President, on behalf of the people of Pakistan, Field Marshal Syed Asim Munir, and on my behalf, I express my deep and profound appreciation for your kind and gracious words. @realDonaldTrump pic.twitter.com/mmDYZoGlB9
— Shehbaz Sharif (@CMShehbaz) April 17, 2026
قبل ازیں امریکی صدر ڈونلڈ ٹرمپ نے ایران کی جانب سے آبنائے ہرمز کھولنے اور مذاکرات میں مؤثر ثالثی پر پاکستان، وزیراعظم شہباز شریف اور فیلڈ مارشل عاصم منیر کی کاوشوں کو سراہتے ہوئے انہیں خراجِ تحسین پیش کیا۔
سوشل میڈیا پر اپنے ایک بیان میں انہوں نے کہاکہ میں پاکستان، وزیراعظم شہباز شریف اور فیلڈ مارشل عاصم منیر کا شکر گزار ہوں۔
انہوں نے کہاکہ وزیراعظم شہباز شریف اور فیلڈ مارشل سید عاصم منیر دو زبردست شخصیات ہیں۔ ان کا کہنا تھا کہ آج دنیا کے لیے شاندار دن ہے۔
