اسلام آباد کی ضلعی انتظامیہ نے وفاقی دارالحکومت میں دکانیں اور بس اڈے بند کروانے کے حوالے سے گردش کرنے والی خبروں کی سختی سے تردید کردی ہے۔
یہ بھی پڑھیں: اسلام آباد انتظامیہ کی شنگھائی تعاون تنظیم کے اجلاس کے دوران کاروباری مراکز بند کرنے کی تردید
انتظامیہ کی جانب سے جاری کردہ بیان میں واضح کیا گیا ہے کہ شہر میں کاروبار یا ٹرانسپورٹ کے اڈے بند کرنے کے حوالے سے کوئی احکامات جاری نہیں کیے گئے اور شہری ایسی غیر تصدیق شدہ خبروں پر دھیان نہ دیں۔
وفاقی دارالحکومت میں دکانیں اور بس اڈے بند کروانے کی خبروں پر ضلعی انتظامیہ اسلام آباد کی وضاحت
ضلعی انتظامیہ کی جانب سے اسلام آباد میں دکانیں یا بس اڈے بند کروانے کی خبروں کی سختی سے تردید کرتے ہوئے واضع کیا گیا ہے کہ اسلام آباد میں ایسے کسی بھی قسم کے احکامات جاری نہیں کیے…
— DC Islamabad (@dcislamabad) April 18, 2026
اس تردیدی بیان سے کچھ دیر قبل سوشل میڈیا اور بعض حلقوں میں یہ خبر تیزی سے پھیلی تھی کہ اسلام آباد میں ایران امریکہ مذاکرات کے دوسرے دور کی سیکیورٹی کے پیش نظر تمام مارکیٹیں اور بس اڈے بند کیے جارہے ہیں۔
یہ بھی پڑھیں: اسلام آباد میں ٹرانسپورٹ اڈے بند ہونے کی افواہیں، ضلعی انتظامیہ کی تردید
اسلام آباد انتظامیہ نے فوری وضاحت جاری کی ہے کہ ان کے دائرہ اختیار میں تمام کاروباری مراکز معمول کے مطابق کھلے رہیں گے۔
دوسری جانب راولپنڈی پولیس نے بھی اپنے پیغام میں کہا ہے کہ مارکیٹس کی بندش کے حوالے سے راولپنڈی پولیس کی جانب سے ایسا کوئی ہدایت نامہ جاری نہیں کیا گیا۔
سوشل میڈیا پر آج رات سے تاحکم ثانی مارکیٹس بند کیے جانے کی بے بنیاد خبر کا معاملہ،
مارکیٹس کی بندش کے حوالے سے راولپنڈی پولیس کی جانب سے ایسا کوئی ہدایت نامہ جاری نہیں کیا گیا، تمام مارکیٹس اور کاروبار حسب معمول حکومت کی پالیسی کے مطابق رات آٹھ بجے تک کھلے ہیں، سی پی او
— Rawalpindi Police (@RwpPolice) April 18, 2026
راولپنڈی پولیس کا کہنا ہے کہ تمام مارکیٹس اور کاروبار حسب معمول حکومت کی پالیسی کے مطابق رات 8 بجے تک کھلے ہیں.
