وزیراعلیٰ پنجاب مریم نواز شریف کے ڈیجیٹل گورننس ماڈل کو بین الاقوامی سطح پر ایک بڑی کامیابی حاصل ہوئی ہے، جہاں پنجاب سیف سٹیز اتھارٹی کے دو اہم ترین منصوبوں کو ورلڈ سمٹ آن دی انفارمیشن سوسائٹی (ڈبلیو ایس آئی ایس) پرائزز 2026′ کے لیے شارٹ لسٹ کرلیا گیا ہے۔
یہ بھی پڑھیں: وزیراعظم کی آئی ٹی انفراسٹرکچر بہتر کرنے اور ملازمت کے مواقع بڑھانے کے لیے اقدامات کی ہدایت
ترجمان سیف سٹی کے مطابق ورچوئل ویمن پولیس اسٹیشن اور ورچوئل سینٹر فار چائلڈ سیفٹی نے ای گورننس کیٹیگری میں دنیا کے ٹاپ 20 منصوبوں میں جگہ بنائی ہے۔
اقوام متحدہ کے زیرِ اہتمام منعقد ہونے والے یہ ایوارڈز ڈیجیٹل گورننس کے شعبے میں دنیا کا معتبر ترین اعزاز مانے جاتے ہیں، اور ان منصوبوں کی عالمی سطح پر شمولیت حکومتِ پنجاب کی جدید ٹیکنالوجی پر مبنی گورننس کا بڑا اعتراف ہے۔
یہ بھی پڑھیں: خیبرپختونخوا حکومت کی ’ستھرا پنجاب‘ ماڈل میں دلچسپی، مریم نواز سے تعاون طلب کرلیا
ترجمان نے مزید واضح کیا کہ ورچوئل ویمن پولیس اسٹیشن خواتین کے تحفظ کو یقینی بنانے کے لیے پاکستان کا پہلا جدید ڈیجیٹل پولیسنگ نظام ہے، جبکہ ورچوئل سینٹر فار چائلڈ سیفٹی گمشدہ بچوں، بزرگوں اور خصوصی افراد کو ان کے خاندانوں سے ملوانے کے لیے ایک انتہائی مؤثر پلیٹ فارم ثابت ہورہا ہے۔
یہ کامیابی وزیراعلیٰ پنجاب کے عوام دوست اور ٹیکنالوجی پر مبنی وژن کی عالمی سطح پر پذیرائی کی عکاس ہے۔
یہ بھی پڑھیں: پنجاب میں جدید شہری ترقی کے لیے مریم نواز کا جاپانی ماڈل اپنانے کا فیصلہ
حکام کا کہنا ہے کہ یہ اعزاز نہ صرف پنجاب بلکہ عالمی سطح پر پاکستان کے مثبت تشخص کو اجاگر کرنے میں ایک اہم سنگِ میل ثابت ہوگا، جو حکومتی اداروں کی کارکردگی اور شفافیت کو عالمی معیار کے مطابق ڈھالنے کی کوششوں کا نتیجہ ہے۔
