کیا آئی پی ایل میں چنئی سپر کنگز کو شکست جادو ٹونے کی وجہ سے ہوئی؟ سوشل میڈیا پر نئی بحث چھڑگئی

انڈین پریمیئر لیگ میں سن رائزرز حیدرآباد نے چنئی سپر کنگز کے خلاف اہم میچ میں کامیابی حاصل کر کے اپنی پوزیشن مضبوط کر لی۔ تاہم میچ کے بعد میدان سے زیادہ سوشل میڈیا پر ایک عجیب و غریب تنازعہ زیر بحث رہا جس میں جادو ٹونے سے متعلق دعوے اور ایک مبینہ جعلی خط نے ہلچل مچا دی ہے۔

میچ کے دوران اسٹیڈیم میں ایک مداح کی جانب سے لیموں کے ساتھ ایک ‘جادوئی عمل’ کی ویڈیو وائرل ہوئی جس میں دیکھا جاسکتا ہے کہ عمل کے دوران ہی بلے باز آؤٹ ہوجاتا ہے، اس ویڈیو کو بعض صارفین نے میچ کے نتیجے سے جوڑ دیا۔ اسی دوران سوشل میڈیا پر ایک جعلی خط بھی سامنے آیا جس میں دعویٰ کیا گیا تھا کہ چنئی سپر کنگز نے سن رائزرز حیدرآباد کے خلاف اس ‘عمل’ پر باضابطہ شکایت درج کرائی ہے۔

یہ بھی پڑھیے: جادو ٹونا کرنے یا اس کی تشہیر پر سخت سزا اور جرمانہ، سینیٹ میں بل منظور

تاہم سابق آئی پی ایل چیئرمین للت مودی نے اس خط کو جعلی قرار دیتے ہوئے اس کی تردید کر دی۔

للت مودی نے اس حوالے سے ایک حیران کن دعویٰ بھی کیا اور کہا کہ ماضی میں ایک آئی پی ایل ٹیم کے مالک نے 2011 میں مخالف ٹیم کے ڈریسنگ روم میں جا کر اسی نوعیت کی روایتی سرگرمی انجام دی تھی۔ ان کے مطابق اس واقعے کے بارے میں انہیں شواہد کے ساتھ اطلاع ملی تھی اور انہوں نے اس وقت متعلقہ افراد کو خبردار بھی کیا تھا۔

I remember I posted some team owner doing this to the opposing team. By doing exactly this themselves in opposing team dressing room. I even alerted the opposing team owners about this way back in 2011 season – when it happened and I got an alert with concrete proof. I will… https://t.co/jxmv84Nkwv

— Lalit Kumar Modi (@LalitKModi) April 19, 2026

انہوں نے مزید کہا کہ وہ مستقبل میں اس نوعیت کے واقعات اور ان سے جڑی تفصیلات اپنی منصوبہ بند فلم یا ٹی وی سیریز میں سامنے لائیں گے۔

ادھر آئی پی ایل 2026 کی پوائنٹس ٹیبل میں سن رائزرز حیدرآباد چھ میچوں میں 3 فتوحات کے ساتھ چوتھے نمبر پر موجود ہیں جبکہ چنئی سپر کنگز دو میچوں میں دو کامیابیوں کے ساتھ ساتویں پوزیشن پر ہیں۔ پلی آف کی دوڑ میں دہلی کیپیٹلز اور گجرات ٹائٹنز سمیت متعدد ٹیمیں مضبوط مقابلہ کر رہی ہیں۔