ایپل ٹی وی پر 8 مئی سے نشر ہونے والی نئی جاسوسی سیریز ‘Unconditional’ کے اعلان کے بعد سوشل میڈیا پر شدید ردعمل سامنے آیا ہے، جہاں بعض صارفین نے اس کے بائیکاٹ کا مطالبہ کیا ہے۔
یہ سیریز ایک اسرائیلی فوجی کی روس میں گرفتاری اور بعد ازاں اس کی بازیابی کے گرد گھومتی ہے۔ اس کی پروڈکشن میں اسرائیلی کمپنی Keshet International بھی شامل ہے، جو ماضی میں امریکی مشہور سیریز ‘Homeland’ سے وابستہ رہی ہے۔
یہ بھی پڑھیں: غزہ پر جارحیت: یہودی خاتون فلم ساز نے اسرائیلی شہریت چھوڑنے کا اعلان کردیا
سیریز کے مواد اور اس کے سیاسی پس منظر پر آن لائن بحث جاری ہے۔ بعض صارفین کا مؤقف ہے کہ موجودہ علاقائی کشیدگی خصوصاً غزہ میں صورتحال کے تناظر میں اس نوعیت کے مواد کی ریلیز حساسیت کو بڑھا سکتی ہے۔ اسی وجہ سے متعدد سوشل میڈیا پلیٹ فارمز پر ایپل ٹی وی اور بعض صورتوں میں ایپل کی مصنوعات کے بائیکاٹ کی اپیلیں بھی سامنے آئی ہیں۔
Bye bye Apple. I might also be switching over to Samsung now too. pic.twitter.com/K5wUSj92MN
— Pete (@society0bserver) April 15, 2026
کچھ صارفین نے سیریز سے منسلک ایک اداکارہ کے حوالے سے بھی سوالات اٹھائے ہیں جن کے بارے میں دعویٰ کیا گیا کہ وہ ماضی میں اسرائیلی فوج سے وابستہ رہی ہیں۔ تاہم اس حوالے سے آزاد ذرائع سے تصدیق نہیں ہو سکی۔
Brought to you by the same folks who erased southern Lebanon villages off their maps. Boycott.
— Sabiha Khan (@SabihaKhan) April 15, 2026
یاد رہے کہ ‘Homeland’ سیریز بھی ماضی میں تنازع کا شکار رہی ہے، جس پر پاکستان اور مشرق وسطیٰ کی منفی اور دقیانوسی تصویر کشی کے الزامات لگتے رہے ہیں۔ یہ سیریز دراصل اسرائیلی پروڈکشن ‘Hatufim (Prisoners of War)’ سے ماخوذ تھی۔
اسی اسرائیلی سیریز کی ایک بھارتی ری میک بھی بنائی گئی تھی جو 1999 کی کارگل جنگ کے پس منظر میں دو جنگی قیدیوں کی کہانی پر مبنی تھی، اور ان تمام منصوبوں میں Keshet پروڈکشن کمپنی شامل رہی ہے۔
ایپل ٹی وی کی نئی سیریز کے حوالے سے جاری بحث تاحال سوشل میڈیا پر زور پکڑے ہوئے ہے۔
