پاکستان نے یورو بانڈ کی پیشکش کا حجم بڑھا کر 75 کروڑ ڈالر کر دیا، جبکہ پاکستان کو مزید 25 کروڑ ڈالر حاصل ہوگئے ہیں۔
مشیرِ خزانہ خرم شہزاد نے اس حوالے سے بیان میں کہا ہے کہ عالمی سرمایہ کاروں کی غیر معمولی دلچسپی کے باعث اضافی سرمایہ کاری ممکن ہوئی۔ ان کے مطابق پاکستان 4 سال بعد بین الاقوامی مارکیٹ میں دوبارہ واپس آیا ہے۔
𝗨𝗣𝗗𝗔𝗧𝗘: 🇵🇰 𝗣𝗮𝗸𝗶𝘀𝘁𝗮𝗻 𝗨𝗽𝘀𝗶𝘇𝗲𝘀 𝗘𝘂𝗿𝗼𝗯𝗼𝗻𝗱 𝘁𝗼 $𝟳𝟱𝟬𝗺𝗻 – 𝗚𝗿𝗲𝗲𝗻 𝗦𝗵𝗼𝗲 𝗢𝗽𝘁𝗶𝗼𝗻 𝗘𝘅𝗲𝗿𝗰𝗶𝘀𝗲𝗱
Following its successful return to international capital markets after four years, Pakistan has upsized its Eurobond issuance to $750 million,… pic.twitter.com/gRt0z49AmB
— Khurram Schehzad (@kschehzad) April 20, 2026
انہوں نے بتایا کہ اس سے قبل حکومت نے 50 کروڑ ڈالر مالیت کا یورو بانڈ جاری کیا تھا، تاہم بعد ازاں عالمی سرمایہ کاروں کی جانب سے توقع سے زیادہ ردعمل سامنے آیا جس کے نتیجے میں مجموعی حجم میں اضافہ ہوا۔
خرم شہزاد کے مطابق پاکستان کی عالمی مالیاتی مارکیٹ میں واپسی مستقبل میں مزید فنڈنگ کے مواقع پیدا کرنے میں معاون ثابت ہوگی۔
واضح رہے کہ دو روز قبل پاکستان نے 50 کروڑ ڈالر کا یورو بانڈ جاری کیا تھا۔
