پاکستانی آل راؤنڈر محمد نواز کے ڈوپ ٹیسٹ مثبت آنے کے بعد پاکستان کرکٹ بورڈ نے معاملے کی باضابطہ تحقیقات شروع کرنے کا فیصلہ کر لیا ہے، جس سے قومی ٹیم کے لیے ایک نئی مشکل کھڑی ہو گئی ہے۔
ذرائع کے مطابق یہ ٹیسٹ گزشتہ ٹی ٹوئنٹی ورلڈ کپ کے دوران لیا گیا تھا، جس میں محمد نواز کے نمونے میں ممنوعہ یا نشہ آور شے کے استعمال کے شواہد سامنے آئے۔ اس حوالے سے انٹرنیشنل کرکٹ کونسل نے پاکستان کرکٹ بورڈ کو باقاعدہ طور پر آگاہ کیا۔
یہ بھی پڑھیے بھارت کا ممنوعہ ادویات بنانے اور استعمال کرنے والوں میں پہلا نمبر، کھیلوں کی میزبانی خطرے سے دوچار
اطلاعات کے مطابق آئی سی سی سے تفصیلات موصول ہونے کے بعد پی سی بی نے فوری طور پر داخلی تحقیقات شروع کر دی ہیں۔
ذرائع کا کہنا ہے کہ ٹیسٹ میں ریکریئیشنل ڈرگ کے استعمال کی نشاندہی ہوئی ہے، جس پر قواعد کے مطابق کارروائی کی جائے گی۔
پی سی بی آج اس معاملے میں پیش رفت سے متعلق آئی سی سی کو بھی آگاہ کرے گا، جبکہ تحقیقات کے نتائج کی روشنی میں مزید اقدامات کا تعین کیا جائے گا۔
