نائب وزیر اعظم و وزیر خارجہ اسحاق ڈار کی زیرِ صدارت وزارتِ خارجہ میں منعقدہ ایک اعلیٰ سطحی اجلاس میں سیکریٹری خارجہ آمنہ بلوچ سمیت سینیئر وزارتی حکام نے شرکت کی۔
یہ بھی پڑھیں: پاکستان بار کونسل کی خارجہ پالیسی اور سفارتی کامیابیوں کی تعریف
اجلاس میں خطے اور عالمی سطح پر تیزی سے بدلتی ہوئی صورتحال اور آئندہ بین الاقوامی مصروفیات کا تفصیلی جائزہ لیا گیا۔
Deputy Prime Minister and Foreign Minister Senator Mohammad Ishaq Dar @MIshaqDar50 chaired a meeting attended by Foreign Secretary Ambassador Amna Baloch and senior officials of the Ministry of Foreign Affairs to review evolving regional developments and upcoming international… pic.twitter.com/vXnUnGTqXf
— Ministry of Foreign Affairs – Pakistan (@ForeignOfficePk) April 22, 2026
نائب وزیر اعظم و وزیر خارجہ نے حکام کے ساتھ ابھرتی ہوئی عالمی و علاقائی پیش رفت پر تبادلہ خیال کیا اور خارجہ پالیسی کے اہم اہداف پر مؤثر اور پیشگی حکمتِ عملی اختیار کرنے کی ضرورت پر زور دیا۔
مزید پڑھیں: پاکستان کامیاب خارجہ پالیسی کے باعث بھارت کو شدید پریشانی کا سامنا ہے، شازیہ مری
انہوں نے واضح کیا کہ خارجہ پالیسی میں کامیابی کے لیے مقصد کا واضح تعین، تذویراتی بصیرت، ٹھوس اہداف اور نتائج پر مبنی نقطۂ نظر ناگزیر ہے۔
اجلاس میں اس بات پر بھی زور دیا گیا کہ پاکستان کو بین الاقوامی سطح پر اپنی ترجیحات کے حصول کے لیے فعال اور مؤثر سفارتکاری جاری رکھنی چاہیے۔
