پاکستان کے سینئر اداکار فردوس جمال ایک بار پھر اپنے متنازعہ بیانات کے باعث خبروں کی زینت بن گئے ہیں۔ ایک پوڈکاسٹ میں گفتگو کے دوران انہوں نے ماضی کے کئی نامور اور لیجنڈری اداکاروں کے بارے میں منفی رائے دی ہے جس نے شوبز انڈسٹری اور سوشل میڈیا پر نئی بحث چھیڑ دی ہے۔
فردوس جمال نے راحت کاظمی کے بارے میں کہا کہ وہ ’شو پیس‘ تھے۔ لیجنڈ اداکار عابد علی کے بارے میں کہا کہ وہ ’خودغرض‘ انسان تھے اور بی کلاس کے تھے۔ انہوں نے طلعت حسین کو ’دقیانوسی اداکار‘ قرار دیتے ہوئے ان کی اداکاری کو ’سستی تھیٹریکلٹی‘ سے تعبیر کیا۔
View this post on Instagram
طلعت حسین کے بارے میں بات کرتے ہوئے ان کا کہنا تھا کہ وہ مجھے متاثر نہیں کر سکے۔ اور خیام سرحدی کے بارے میں کہا کہ وہ نا سمجھ میں آنے والے انسان تھے۔ اس کی ایکٹنگ کو ہم پاگل پن کہتے تھے۔
انہوں نے قوی خان کے بارے میں کہا کہ وہ کوشش کرتے تھے لیکن بعض اوقات کر نہیں پاتے تھے۔ شجاعت ہاشمی کو انہوں نے خود پسند انسان قرار دیا جو خود کا اداکار کہتا ہے۔ جبکہ شفیع محمد کو کے بارے میں رائے دی کہ وہ اسکرین پر خود کو ہی پیش کرتے تھے۔
یہ بھی پڑھیں: ’فردوس جمال کو نہیں جانتی‘ اداکارہ ماہرہ خان
ان بیانات کے بعد سوشل میڈیا پر شدید ردعمل سامنے آ رہا ہے۔ بعض صارفین کے مطابق یہ فردوس جمال کا ذاتی نقطۂ نظر ہے تاہم اکثریت نے اسے ماضی کے بڑے اور لیجنڈ فنکاروں کی توہین قرار دیا ہے۔
شوبز حلقوں میں بھی اس معاملے پر مختلف آراء پائی جا رہی ہیں اور یہ موضوع مسلسل زیرِ بحث ہے۔
