لندن میں مقیم لیبیا کے ایک بزنس مین کی ویڈیو سوشل میڈیا پر وائرل ہو رہی ہے، جس میں وہ پاکستانی فوج اور اس کی قیادت کے حوالے سے اپنے خیالات کا اظہار کر رہے ہیں۔ یہ گفتگو ایک ایسے موقع پر کی گئی جہاں مولانا طاہر محمود اشرفی اور دیگر افراد بھی موجود تھے، جبکہ دعویٰ کیا جا رہا ہے کہ یہ ویڈیو ایک واقعے کے بعد عرب دوستوں کی موجودگی میں ریکارڈ کی گئی۔
ویڈیو میں لیبیا کے بزنس مین کا کہنا تھا کہ پاکستان کی فوج دنیا کی نمبر ون فوج بنتی جا رہی ہے اور فوجی قیادت کو غیر معمولی اہمیت حاصل ہے۔ انہوں نے کہا کہ آرمی چیف کے پاس ’کلام اللہ‘ ہے اور جو شخص اللہ کے کلام کو اپنے مرکز میں رکھتا ہے، وہ یقینی طور پر اللہ کے احکامات پر عمل کرے گا۔
انہوں نے اپنے جذباتی انداز میں پاکستان کے حق میں نعرے بھی لگائے اور کہا کہ ’اللہ اکبر، پاکستان پاکستان زندہ باد‘۔ ویڈیو میں ان کی کچھ گفتگو ادھوری بھی رہتی ہے تاہم وہ مسلسل پاکستان اور اس کی فوج کی تعریف کرتے دکھائی دیتے ہیں۔
