افغانستان اور بھارتی میڈیا کی جانب سے دعویٰ کیا جارہا ہے کہ پاکستانی ڈرونز اور جیٹ طیاروں نے کنڑ میں یونیورسٹی کو نشانہ بنایا ہے، جس کے نتیجے میں جانی نقصان ہوا ہے۔
تاہم پاکستانی ذرائع کی جانب سے ان الزامات کو سختی سے مسترد کرتے ہوئے کہا گیا ہے کہ کنڑ یونیورسٹی یا اس کے ہاسٹل پر کسی قسم کی فضائی کارروائی نہیں ہوئی۔
ذرائع نے بتایا کہ افغان اور بعض بھارتی میڈیا اداروں کی جانب سے یہ رپورٹنگ غیر مصدقہ ہے، جس کے کوئی شواہد پیش نہیں کیے گئے۔
’تعلیمی ادارے کو نشانہ بنانے سے متعلق بیانیہ من گھڑت ہے اور اس کا مقصد پاکستان کے خلاف غلط تاثر پیدا کرنا ہے، اس نوعیت کی خبروں میں واضح اور مستند شواہد پیش نہیں کیے گئے، جبکہ غیر مصدقہ ذرائع پر انحصار کیا جارہا ہے۔‘
