نائب وزیراعظم اور وزیر خارجہ سینیٹر اسحاق ڈار نے وزارت خارجہ کے سینیئر حکام کے ساتھ ایک اہم اجلاس میں خطے کی تازہ ترین صورتحال کا تفصیلی جائزہ لیا جس میں انہیں سفارتی امور سے متعلق بریفنگ بھی دی گئی۔
دفتر خارجہ میں منعقدہ اس اجلاس کی صدارت وزیر خارجہ اسحاق ڈار نے کی، جس میں سیکریٹری خارجہ آمنہ بلوچ سمیت دیگر سینیئر وزارتی حکام بھی شریک ہوئے۔
یہ بھی پڑھیں: اسحاق ڈار اور برطانوی وزیر خارجہ کے درمیان رابطہ، خطے میں امن کوششوں پر تبادلہ خیال
اجلاس کے دوران خطے میں ابھرتی ہوئی سیاسی و سفارتی پیش رفت اور اس کے ممکنہ اثرات پر غور کیا گیا، حکام نے نائب وزیراعظم کو موجودہ علاقائی حالات سے متعلق تازہ بریفنگ بھی دی۔
DPM/ FM Senator Mohammad Ishaq Dar @MIshaqDar50 chaired a meeting with Foreign Secretary Amna Baloch @AmnaBaloch4 and senior officials of the Ministry of Foreign Affairs to review the latest regional developments.
The DPM/FM reiterated Pakistan’s commitment to continue playing… pic.twitter.com/uVJM2LjNiq
— Ministry of Foreign Affairs – Pakistan (@ForeignOfficePk) April 27, 2026
وزیر خارجہ اسحاق ڈار نے اس موقع پر پاکستان کے اصولی مؤقف کو دہراتے ہوئے کہا کہ پاکستان خطے میں امن و استحکام کے فروغ کے لیے مذاکرات اور سفارتکاری کے ذریعے تعمیری کردار ادا کرتا رہے گا۔
نائب وزیراعظم نے زور دیا کہ پرامن حل ہی پائیدار استحکام کی ضمانت ہے۔
مزید پڑھیں: اسحاق ڈار کا مصری وزیر خارجہ سے رابطہ، سفارتی روابط بڑھانے پر زور
اجلاس میں اس عزم کا اظہار کیا گیا کہ پاکستان خطے میں کشیدگی میں کمی اور باہمی تعاون کے فروغ کے لیے اپنی سفارتی کوششیں جاری رکھے گا۔
