صدر آصف علی زرداری نے شاؤشان میں چین کے انقلابی رہنما ماؤ زے تُنگ کے آبائی شہر کا دورہ کیا اور اسٹیچو اسکوائر پر ان کے مجسمے پر پھولوں کا گلدستہ رکھ کر خراجِ عقیدت پیش کیا۔
ایوانِ صدر (میڈیا ونگ) کے مطابق صدر کا استقبال سینئر چینی رہنما لی جیانگ اور شاؤشان ایڈمنسٹریشن کے ڈائریکٹر ژانگ شی ہوئی نے کیا۔ اس موقع پر صدر کو ماؤ زے تُنگ کی زندگی، جدوجہد اور ان عوامل پر بریفنگ دی گئی جنہوں نے ان کی سیاسی سوچ کی تشکیل میں کردار ادا کیا۔
مزید پڑھیں: سفارت کاری سے معاشی تعاون تک، صدر مملکت آصف زرداری کا دورہ چین ملکی ترقی کے لیے اہم
صدر کو آگاہ کیا گیا کہ ایسے یادگاری مقامات تاریخی مواد کے تحفظ اور چین کی انقلابی تاریخ سے متعلق عوامی شعور اجاگر کرنے میں اہم کردار ادا کرتے ہیں۔
Shaoshan, China: 28 April 2026 — President Asif Ali Zardari, accompanied by Ms Zhang Xihui, Director of the Shaoshan Administration Bureau of Hunan, visits the Statue Square.@PPP_Org @MediaCellPPP @iamabidmalik @azamshaam #China pic.twitter.com/HhttW3J6kz
— Media Talk (@mediatalk922) April 28, 2026
صدر نے ماؤ زے تُنگ میموریل میوزیم کا دورہ بھی کیا، جہاں انہیں عوامی جمہوریہ چین کے بانی رہنما کی زندگی، فکر اور سیاسی ورثے سے متعلق تفصیلی بریفنگ دی گئی۔ انہوں نے میوزیم میں موجود تاریخی نوادرات، ریکارڈ اور تصاویر کا بھی مشاہدہ کیا۔
مزید پڑھیں: صدر مملکت آصف زرداری 5 روزہ دورے پر چین پہنچ گئے، پرتپاک استقبال
صدر آصف علی زرداری نے ماؤ زے تُنگ کے چین کی تاریخی تبدیلی میں کردار کو سراہتے ہوئے کہا کہ ایسے مقامات کا تحفظ جدید چین کی تشکیل میں مددگار عوامل کو سمجھنے میں اہمیت رکھتا ہے اور قومی ترقی میں تاریخی شعور کو فروغ دیتا ہے۔
