صدر مملکت آصف علی زرداری 5 روزہ سرکاری دورے پر چین کے شہر چانگشا پہنچ گئے ہیں۔
ایوان صدر کے مطابق چانگشا آمد پر ہونان صوبائی عوامی کانگریس کے نائب چیئرمین ہو ژوشینگ نے صدر مملکت کا پرتپاک استقبال کیا۔ اس موقع پر پاکستان میں تعینات چینی سفیر جیانگ زائی دونگ اور چین میں پاکستان کے سفیر خلیل ہاشمی بھی موجود تھے۔
President Zardari arrives in Changsha, China. He was warmly welcomed by Mr. Hu Xusheng, Vice Chairman of the Standing Committee of the Hunan Provincial People’s Congress. Ambassadors of China in Pakistan & Pakistan in China were also present on the occasion. pic.twitter.com/qOtVPONE8D
— The President of Pakistan (@PresOfPakistan) April 25, 2026
بیان میں مزید کہا گیا ہے کہ اپنے دورے کے دوران صدر آصف زرداری صوبائی قیادت سے ملاقاتیں کریں گے، جبکہ وہ چین کے صوبہ ہونان کے علاقے شاؤشان کا بھی دورہ کریں گے جہاں وہ چیئرمین ماؤ زیدونگ کی جائے پیدائش اور ان کی سابق رہائش گاہ دیکھیں گے۔
دورے کے دوران حکومت سندھ اور چینی کمپنیوں کے درمیان مختلف معاہدوں اور مفاہمتی یادداشتوں پر دستخط بھی متوقع ہیں۔
ایوان صدر کے مطابق یہ دورہ دونوں ممالک کے درمیان معاشی تعاون، تجارت اور سی پیک کے تحت اسٹریٹجک شراکت داری کو مزید فروغ دینے میں معاون ثابت ہوگا۔
قبل ازیں صدر آصف علی زرداری لاہور سے چین کے لیے روانہ ہوئے تھے، جہاں گورنر پنجاب سردار سلیم حیدر نے انہیں الوداع کیا۔
