معروف بیکری کا انوکھا کارنامہ، مٹھائی کے ساتھ چوہا بھی پیک کردیا

پاکستان میں معروف بیکری سے منسوب ایک واقعے کی ویڈیو سوشل میڈیا پر تیزی سے وائرل ہو رہی ہے جس نے شہریوں کو حیرت اور تشویش میں مبتلا کر دیا ہے۔ ویڈیو میں دیکھا جا سکتا ہے کہ سوہن حلوے کے ایک پیک شدہ ڈبے کے اندر زندہ چوہا موجود تھا جسے ایک صارف نے کھولنے کے دوران ریکارڈ کیا۔

بیکری کے حلوہ میں زندہ چوہا گھورنے رہا ہے!!
انتہائی خوفناک صورتحال ہے, pic.twitter.com/AVplgm8yss

— Noman Gillani (@Shah96776) April 27, 2026

ویڈیو منظر عام پر آنے کے بعد صارفین کی جانب سے شدید ردعمل سامنے آ رہا ہے۔ بڑی تعداد میں لوگوں نے اسے سنگین غفلت قرار دیتے ہوئے متعلقہ بیکری کے خلاف سخت کارروائی اور فوری تحقیقات کا مطالبہ کیا ہے۔ دوسری جانب کچھ صارفین نے سوال اٹھایا ہے کہ زندہ چوہا ہی پیک کر دیا یہ نظر کیسے نہیں آیا؟

یہ آخر کیسے ممکن ہے ۔۔
بئی زندہ چوہا ہی پیک کر دیا ۔۔
یہ نظر کیسے نہیں آیا ہے کوئی حال نہیں pic.twitter.com/4Yf4P5v0eY

— K A M I (@K4mi_i) April 27, 2026

ایک صارف نے سوال کیا کہ مٹھائی پیک کرتے وقت ورکر کو چوہا نظر کیوں نہیں آیا یا پھر پیکنگ کے وقت چوہا بھاگا کیوں نہیں؟ یہ کیسے ممکن ہے؟

مجھے آج تک سمجھ نہیں آئی کہ مٹھائی پیک کرتے وقت ورکر کو چوہا نظر کیوں نہیں آیا یا پھر پیکنگ کے وقت چوہا بھاگا کیوں نہیں۔
کیکس اینڈ بیکس کا ایک نام ہے مہنگے تو ہیں ہی لیکن معیار بھی اچھا ہے تو پھر یہ کیسے ممکن ہوا؟ pic.twitter.com/1PvUPa2qjP

— کیڑےمکوڑے (@Form_45) April 28, 2026

مومن مختار لکھتے ہیں کہ میں مانتا ہی نہیں ہوں کہ ایک زندہ چوہا پیک کر کے کیک میں ڈال دیا۔ اگر چوہا واقعی تھا تو اس کو فوراً سیل کریں ورنہ اس خاتون کو قانون کے شکنجے میں لا کھڑا کریں۔

میں مانتا ہی نہیں ہوں کہ ایک زندہ چوہا پیک کر کے کیک میں ڈال دیا۔
Cakes N Bakes بیکر مجھے بہت پسند ہے، اس معاملے کی بھرپور جان پڑتال ہونی چاہئیے۔
اگر چوہا واقعی تھا تو اس کو فوراً سیل کریں ورنہ اس خاتون کو قانون کے شکنجے میں لا کھڑا کریں۔۔ pic.twitter.com/lss7d87A3L

— Momin Mukhtar (@Momin_Speaks) April 27, 2026

ایک سوشل میڈیا صارف کا کہنا تھا کہ اتنی صفائی کے باوجود چوہا کیسے ڈبے میں بند ہوگیا جب کہ یہ ایک برینڈڈ سویٹس شاپ ہے۔ ان کا کہنا تھا کہ مجھے لگتا ہے کوئی حاسد ہے جو ان کے نام کو خراب کرنا چاہتا ہے۔ چوہا آیا اور ڈبے میں پیک بھی ہوگیا یہ بہت عجیب ہے۔

یار اتنی صفائی کے باوجود چوہا کیسے ڈبے میں بند ہوگیا جب کہ یہ ایک برینڈڈ سویٹس شاپ ہے پینگوئن کو لگتا ہے کوئی حاسد ہے جو انکی ساکت کو خراب کرنا چاہتا ہے چوہا آیا اور ڈبے میں پیک بھی ہوگیا عجیب 🥲 https://t.co/INX0insXD3

— Depressed Penguin🐧 🇵🇰 (@Last_Emperor34) April 27, 2026