یورپی یونین اور حکومتِ پاکستان کے اشتراک سے دارالحکومت اسلام آباد میں پہلے ہائی لیول یو ای پاکستان بزنس فورم کا افتتاح کر دیا گیا، جو دوطرفہ اقتصادی تعلقات کے فروغ میں ایک اہم سنگِ میل قرار دیا جا رہا ہے۔
مزید پڑھیں: اسلام آباد میں یورپی یونین پاکستان بزنس فورم شروع، تجارت و سرمایہ کاری بڑھانے پر زور
فورم میں قریباً ایک ہزار اعلیٰ پالیسی ساز، یورپی و پاکستانی کاروباری رہنما، سرمایہ کار اور مالیاتی ادارے شریک ہیں۔ یورپی یونین دنیا کی سب سے بڑی سنگل مارکیٹ اور عالمی سطح پر براہِ راست غیر ملکی سرمایہ کاری کا بڑا ذریعہ ہونے کے ساتھ پاکستان کی سب سے بڑی برآمدی منڈی بھی ہے، جس کے باعث یہ فورم باہمی اقتصادی شراکت داری کو مزید وسعت دینے کا اہم موقع فراہم کرتا ہے۔
پاکستان میں یورپی یونین کے سفیر نے افتتاحی تقریب سے خطاب کرتے ہوئے کہا کہ فورم کا مقصد صرف تجارتی تعلقات کا جشن منانا نہیں بلکہ انہیں مزید گہرا، متنوع اور ماحول دوست بناتے ہوئے پائیدار سرمایہ کاری میں تبدیل کرنا ہے۔
The first ever High-Level EU–Pakistan Business Forum officially kicked off today! 🇪🇺🇵🇰
Bringing together 1000 business leaders, investors and policymakers from 🇪🇺 Europe and 🇵🇰 Pakistan to boost trade, investment and sustainable growth.
1/4 https://t.co/z60czVR4OT pic.twitter.com/xcNJf8ZFht— EUPakistan (@EUPakistan) April 28, 2026
وفاقی وزیر خزانہ نے معاشی استحکام، ساختی اصلاحات اور سرمایہ کاری کے بہتر مواقع پر روشنی ڈالی، جبکہ وزیراعظم کے معاونِ خصوصی ہارون اختر نے افتتاحی اجلاس میں کلیدی خطاب کیا۔
اس موقع پر ای یو پاکستان بزنس نیٹ ورک کا بھی آغاز کیا گیا، جس میں پاکستان میں سرگرم 300 سے زائد یورپی کمپنیوں کو ایک پلیٹ فارم فراہم کیا گیا ہے تاکہ وہ پالیسی سازوں سے رابطہ بڑھا سکیں اور نئی سرمایہ کاری کی راہیں ہموار ہوں۔
فورم میں یورپین کمیشن کے تحت گلوبل گیٹ وے پروگرام کے مواقع بھی پیش کیے گئے، جس کے ذریعے 2021 سے 2027 کے دوران 400 ارب یورو تک سرمایہ کاری متحرک کرنے کا ہدف ہے۔
2 روزہ فورم کے دوران 600 سے زائد بزنس ٹو بزنس ملاقاتیں طے ہیں، جبکہ زرعی کاروبار، ڈیجیٹل انوویشن، فن ٹیک، گرین لاجسٹکس، پائیدار ٹیکسٹائل اور ذمہ دارانہ کان کنی جیسے شعبوں میں تعاون پر تبادلہ خیال کیا جا رہا ہے۔
یہ فورم 70 کروڑ سے زائد آبادی پر مشتمل مشترکہ معیشت کے درمیان اعلیٰ سطح مکالمے اور کاروباری معاہدوں کے لیے ایک مؤثر پلیٹ فارم فراہم کرتا ہے۔
