زمبابوے ویمنز کرکٹ ٹیم کا 15 رکنی اسکواڈ بدھ کے روز پاکستان کے اپنے پہلے دورے پر کراچی پہنچ گیا۔
جہاں دونوں ٹیموں کے درمیان 3 مئی سے 15 مئی تک 6 میچوں پر مشتمل وائٹ بال سیریز نیشنل بینک اسٹیڈیم میں کھیلی جائے گی۔
یہ بھی پڑھیں: زمبابوے کی خواتین کرکٹ ٹیم پہلی بار پاکستان کے دورے پر، ون ڈے اور ٹی20 سیریز کھیلے گی
تفصیلات کے مطابق مہمان ٹیم کا دستہ بدھ کی شام جناح انٹرنیشنل ایئرپورٹ پہنچا، جہاں پاکستان ویمنز ٹیم کی منیجر عائشہ اشہر نے ان کا استقبال کیا۔
🛬 Zimbabwe women's team arrives in Karachi to take part in ODI and T20I series 🇿🇼🇵🇰#PAKWvZIMW | #BackOurGirls pic.twitter.com/x8PBHYmWcJ
— Pakistan Cricket (@TheRealPCB) April 29, 2026
آمد کے بعد کھلاڑی آج آرام کریں گی جبکہ جمعرات کی شام سے تاریخی سیریز کی تیاریوں کا آغاز کریں گی، دونوں ٹیمیں اپنا پہلا تربیتی سیشن نیشنل بینک اسٹیڈیم میں کریں گی۔
پاکستان اور زمبابوے کے درمیان وائٹ بال سیریز کا آغاز 3 ون ڈے میچز سے ہوگا، جو 3، 6 اور 9 مئی کو اسی میدان میں کھیلے جائیں گے۔
ون ڈے سیریز کے بعد دونوں ٹیمیں 3 ٹی20 انٹرنیشنل میچز میں مدمقابل ہوں گی، جن کے مقابلے 12، 14 اور 15 مئی کو نیشنل بینک اسٹیڈیم میں ہی منعقد ہوں گے۔
مزید پڑھیں: زمبابوے ویمنز کرکٹ ٹیم کا پاکستان کا تاریخی دورہ، 6 وائٹ بال میچز کراچی میں ہوں گے
یہ ٹی20 میچز پاکستان کے لیے آئی سی سی ویمنز ٹی20 ورلڈ کپ کی تیاری کے سلسلے میں نہایت اہم ہوں گے، جو 12 جون سے 5 جولائی تک انگلینڈ اور ویلز میں کھیلا جائے گا۔
عالمی ایونٹ سے قبل پاکستان ویمنز ٹیم آئرلینڈ میں ایک سہ فریقی ٹی20 سیریز میں بھی شرکت کرے گی، جس میں میزبان ٹیم اور ویسٹ انڈیز شامل ہوں گی۔
یہ میچز 28 مئی سے 4 جون تک شیڈول ہیں۔
