زمبابوے کی ویمنز کرکٹ ٹیم پہلی بار پاکستان کا دورہ کرے گی، جہاں دونوں ٹیموں کے درمیان 6 وائٹ بال میچز کراچی میں کھیلے جائیں گے۔ سیریز میں 3 ون ڈے اور 3 ٹی ٹوئنٹی انٹرنیشنل میچز شامل ہوں گے جو ویمنز کرکٹ کے اہم بین الاقوامی مقابلوں اور آئندہ ورلڈ کپ کی تیاری کا حصہ ہوں گے۔
زمبابوے ویمنز ٹیم 29 اپریل کو کراچی پہنچے گی، جہاں وہ پاکستان ویمنز ٹیم کے خلاف سیریز کھیلے گی۔
سیریز کے تمام میچز نیشنل بینک اسٹیڈیم کراچی میں منعقد ہوں گے۔ ون ڈے انٹرنیشنل میچز 3، 6 اور 9 مئی کو کھیلے جائیں گے، جو دوپہر 3:30 بجے شروع ہوں گے۔
یہ تینوں ون ڈے میچز آئی سی سی ویمنز چیمپئن شپ 2025-29 کا حصہ بھی ہوں گے، جس کے باعث ان کی اہمیت مزید بڑھ جاتی ہے۔
یہ بھی پڑھیں:پی ایس ایل 11، اسلام آباد یونائیٹڈ نے لاہور قلندرز کو یکطرفہ مقابلے کے بعد 9وکٹوں سے شکست دیدی
اس کے بعد 3 ٹی ٹوئنٹی انٹرنیشنل میچز 12، 14 اور 15 مئی کو کھیلے جائیں گے، جو رات 7:30 بجے شروع ہوں گے۔ یہ ٹی ٹوئنٹی سیریز ویمنز ٹی ٹوئنٹی ورلڈ کپ کی تیاری میں اہم کردار ادا کرے گی۔
واضح رہے کہ ویمنز ٹی ٹوئنٹی ورلڈ کپ 12 جون سے 5 جولائی تک انگلینڈ اور ویلز میں کھیلا جائے گا۔
