صومالی قزاقوں کے ہاتھوں پاکستانی شہریوں کے اغوا کے معاملے پر صومالیہ کی حکومت نے پاکستان کو مکمل تعاون کی یقین دہانی کرا دی ہے، جبکہ مغویوں کی بحفاظت رہائی کے لیے سفارتی کوششیں تیز کر دی گئی ہیں۔
سفارتی ذرائع کے مطابق صومالی حکام نے تحریری طور پر یقین دہانی کرائی ہے کہ یرغمالی پاکستانیوں کی محفوظ وطن واپسی کے لیے ہر ممکن مدد فراہم کی جائے گی۔ پاکستان نے یہ معاملہ باضابطہ طور پر صومالی حکومت کے سامنے اٹھایا تھا۔
واضح رہے کہ بحری جہاز Honour 25 پر صومالی قزاقوں کے قبضے کے بعد 10 سے زائد پاکستانی عملہ یرغمال ہے، جن میں کراچی سے تعلق رکھنے والے افراد بھی شامل ہیں۔
دوسری جانب مغویوں کے اہل خانہ شدید تشویش میں مبتلا ہیں اور انہوں نے حکومت سے مطالبہ کیا ہے کہ ان کے پیاروں کی جلد بازیابی کے لیے فوری اور مؤثر اقدامات کیے جائیں۔
