صدرِ مملکت آصف علی زرداری نے چین کا 5 روزہ سرکاری دورہ مکمل کرنے کے بعد وطن واپس پہنچ گئے ہیں۔
دورے کے اختتام پر صدر مملکت سانیا ایئرپورٹ سے پاکستان روانہ ہوئے، جہاں انہیں چینی کمیونسٹ پارٹی کے سینیئر رہنما وانگ چیانگ نے الوداع کیا۔
سرکاری ذرائع کے مطابق اس دورے کے دوران صنعتی، زرعی اور پانی کو قابلِ استعمال بنانے (ڈی سیلینیشن) کے شعبوں میں تعاون کو فروغ دینے پر نمایاں پیش رفت ہوئی۔ اس کے علاوہ چین پاکستان اقتصادی راہداری (سی پیک) کے دوسرے مرحلے ‘سی پیک 2.0’ کے حوالے سے بھی اہم پیش رفت سامنے آئی۔
یہ بھی پڑھیے: صدر آصف زرداری کا دورہ چین، اہم معاہدوں پر دستخط کی تقریب میں شرکت
دورے کے دوران دونوں ممالک کے درمیان مختلف شعبوں میں تعاون بڑھانے کے لیے متعدد مفاہمتی یادداشتوں (ایم او یوز) پر دستخط بھی کیے گئے، جنہیں دوطرفہ تعلقات کو مزید مستحکم بنانے کی جانب اہم قدم قرار دیا جا رہا ہے۔
دورے کے دوران صدر مملکت نے چین میں کئی تاریخی مقامات کا بھی دورہ کیا۔
