فوکس نیوز کے مطابق ڈونلڈ ٹرمپ کی تقریب میں فائرنگ سے چند لمحے قبل پولیس کے تربیت یافتہ سراغ رساں کتے کی جانب سے مبینہ حملہ آور کی نشاندہی کرنے کا انکشاف ہوا ہے۔
وائٹ ہاؤس کے صحافیوں کے اعزاز میں دیے گئے عشائیے میں پیش آنے والے اس واقعے کی سیکیورٹی فوٹیج میں دیکھا جا سکتا ہے کہ ایک تربیت یافتہ کتا (کے نائن) حملے سے چند لمحے قبل حملہ آور پر شک کا اظہار کرتے ہوئے اس کمرے میں جھانک رہا ہے جس میں وہ موجود تھا۔
تاہم ہینڈلر نے کتے کو پیچھے کھینچ لیا جس کے چند لمحے بعد ہی حملہ آور رائفل سے لیس دوڑتا ہوا کمرے باہر آتا ہے اور سیکیورٹی چیک پوائنٹ سے تیزی گزر کر تقریب کی طرف بھاگتا ہے جہاں سینکڑوں صحافیوں اور اعلیٰ امریکی حکام سمیت صدر ڈونلڈ ٹرمپ بھی موجود تھے۔
یہ بھی پڑھیے: صدر ڈونلڈ ٹرمپ کی موجودگی میں تقریب میں فائرنگ، حملہ آور گرفتار، فائرنگ کرنیوالا بھیڑیا اور ذہنی بیمار ہے، صدر ٹرمپ
میڈیا رپورٹس کے مطابق 31 سالہ حملہ آور سیکیورٹی حصار توڑتے ہوئے شاٹ گن کے ساتھ ایک سیکیورٹی اہلکار پر فائرنگ بھی کر دی، جس کے نتیجے میں اہلکار زخمی ہو گیا۔
رپورٹس میں کہا گیا ہے کہ ملزم کو صدر ڈونلڈ ٹرمپ تک پہنچنے سے پہلے ہی قابو کر لیا گیا اور زمین پر گرا کر گرفتار کر لیا گیا۔
واقعے کے بعد سکیورٹی انتظامات پر سوالات اٹھائے جا رہے ہیں، خاص طور پر اس بات پر کہ مشتبہ سرگرمی کی نشاندہی ہونے کے باوجود فوری کارروائی کیوں نہیں کی گئی۔
