واہگہ بارڈر پر معرکہ حق کی مناسبت سے ایک شاندار اور پروقار تقریب کا انعقاد کیا گیا، جس میں اقلیتی برادری، علما کرام، وکلا، سول آرمڈ فورسز اور طلبہ سمیت شہریوں کی بڑی تعداد نے شرکت کی۔
تقریب کے دوران پاکستان رینجرز (پنجاب) کی شاندار اور دلکش پریڈ نے شرکا کے جوش و جذبے کو بڑھا دیا اور حب الوطنی کے جذبات کو مزید ابھارا۔
واہگہ بارڈر سے دشمن کو پاکستانی عوام کی للکار، ہم ہیں بنیان المرصوص
،،، واہگہ بارڈر پر معرکہ حق کی مناسبت سے شاندار پریڈ اورپروقار تقریب کا انعقاد کیا گیا ۔۔تقریب میں اقلیتی برادری، علماء کرام، وکلاء ، سول آرمڈ فورسزاورطلبہ سمیت عوام کی بڑی تعداد نے شرکت کی ۔۔پاکستان رینجرز… pic.twitter.com/gIPtBRLw4e— PTV News (@PTVNewsOfficial) May 3, 2026
اس موقع پر گورنمنٹ کالج یونیورسٹی (لاہور) کے طلبہ اور نوجوان گلوکار اے آر ناصر نے خصوصی ملی نغمے پیش کیے، جنہوں نے حاضرین سے خوب داد وصول کی اور ملک و افواج پاکستان سے اظہارِ عقیدت کیا۔
تقریب میں شریک افراد نے اس عزم کا اظہار کیا کہ اگر بھارت نے دوبارہ کسی بھی قسم کی مہم جوئی کی کوشش کی تو اسے پہلے سے زیادہ سخت جواب دیا جائے گا۔
شرکاء کا کہنا تھا کہ پاکستان کو کمزور سمجھنا بھارت اور مودی کی بڑی غلط فہمی ہے، جبکہ 26 کروڑ عوام پاک فوج کے ساتھ شانہ بشانہ کھڑی ہے۔
واہگہ پریڈ گراؤنڈ میں عوام نے جذبے اور جوش و خروش کے ساتھ اتحاد اور یکجہتی کا مظاہرہ کرتے ہوئے یہ پیغام دیا کہ وہ ہر چیلنج کے مقابلے کے لیے تیار ہیں۔
