وزیراعظم پاکستان شہباز شریف پاکستان سپر لیگ (پی ایس ایل) کا فائنل دیکھنے قذافی اسٹیڈیم لاہور پہنچ گئے۔
وزیر اعظم شہبازشریف پی ایس ایل 11 فائنل دیکھنے اسٹیڈیم پہنچ گئے۔ محسن نقوی ،عطاء تارڑ اور بابر اعظم نے وزیر اعظم پاکستان کا استقبال کیا۔
#Pslfinal pic.twitter.com/omIJdpU3wv
— Shakir Abbasi (@ShakirAbbasi22) May 3, 2026
وزیراعظم شہباز شریف کی قذافی اسٹیڈیم آمد پر چیئرمین پاکستان کرکٹ بورڈ محسن نقوی نے ان کا استقبال کیا۔
اس موقع پر وزیراعظم نے پشاور زلمی اور حیدرآباد کنگزمین کے کھلاڑیوں سے ملاقات کی اور دونوں ٹیموں کے لیے نیک خواہشات کا اظہار کیا۔
انہوں نے کھلاڑیوں کی حوصلہ افزائی کرتے ہوئے ان کی کارکردگی کو سراہا۔
وزیراعظم شہباز شریف نے فائنل میچ بھی دیکھا اور ایونٹ میں بھرپور دلچسپی کا اظہار کیا۔
میچ شروع ہونے سے پہلے فائنل کھیلنے والی ٹیموں کے کپتانوں کے ساتھ وزیرِاعظم اور چیئرمین پی سی بی کی تصویر بھی بنائی گئی۔
اس موقع پر وفاقی وزرا محمد اورنگزیب، اعظم نزیر تارڑ ، عطااللہ تارڑ، شزا فاطمہ خواجہ، عبد العلیم خان، رانا مبشر اقبال اور معاون خصوصی طلحہ برکی بھی وزیراعظم کے ہمراہ تھے۔
