عوام کا صبر جواب دے گیا، شہریوں نے کراچی میں بلاول ہاؤس کے قریب وی آئی پی پروٹوکول توڑ دیا

کراچی میں بلاول ہاؤس کے اطراف وی آئی پی موومنٹ کے دوران کیے گئے سخت سیکیورٹی انتظامات شہریوں کے لیے شدید مشکلات کا باعث بن گئے۔ طویل وقت تک ٹریفک کی بندش کے نتیجے میں مختلف شاہراہوں پر گاڑیوں کی لمبی قطاریں لگ گئیں جبکہ شہریوں کو آمد و رفت میں شدید دشواری کا سامنا کرنا پڑا۔

صورتحال اس وقت کشیدہ ہوئی جب متعدد شہریوں نے ٹریفک کی مسلسل بندش پر برہمی کا اظہار کیا۔ اس دوران بعض افراد نے پولیس کی جانب سے لگائے گئے حفاظتی حصار اور رکاوٹوں کو ہٹا کر اپنی گاڑیاں زبردستی آگے بڑھانے کی کوشش کی جس سے علاقے میں وقتی طور پر بدنظمی پیدا ہو گئی۔

کراچی بلاول ہاؤس چورنگی پر عوام کو آدھے گھنٹے تک روکے جانے پر عوام باغی ہوگئی ،بلاول کے پروٹوکول کی گاڑیاں اور عام ٹریفک ایک دوسرے میں شامل ہوگئی۔ pic.twitter.com/YlqjwZ6C6p

— Eshaal honey PTI (@honey_eshaal) May 6, 2026

واقعے کے بعد سوشل میڈیا پر بھی اس صورتحال پر مختلف ردعمل سامنے آئے۔ کچھ صارفین نے ٹریفک کی طویل بندش اور شہریوں کو درپیش مشکلات پر تنقید کی جبکہ بعض نے سیکیورٹی انتظامات اور ٹریفک کنٹرول کے طریقہ کار پر سوالات اٹھائے۔ ایک صارف نے اس حوالے سے اپنی رائے کا اظہار کرتے ہوئے اسے سیاسی صورتحال سے بھی جوڑا اور کہا کہ کراچی میں پیپلز پارٹی کے زوال کا وقت شروع ہوگیا ہے۔

کراچی اور اسکے گردونواح مں پیلز پارٹی کے زوال کا وقت شروع ہوگیا ہے

*وی آئی پی کلچر سے پریشان کراچی کے شہریوں نے بلاول چورنگی کے قریب وڈیرہ

"بلاول بھٹو زرداری" کا

پروٹوکول توڑ دیا۔* pic.twitter.com/XiRcqt7P7G

— زاھد منصوری (@ZahidMansori) May 6, 2026

صائم رضوی لکھتے ہیں کہ کراچی کے شہریوں نے بلاول چورنگی کے بلاول بھٹو زرداری کا پروٹوکول توڑ دیا۔ ابھی تو پارٹی شروع کی ہے کراچی والوں نے۔ ان کا مزید کہنا تھا کہ اب کراچی میں عوام کے ٹیکس پر بنا راستہ کسی وی آئی پی کے پروٹوکول کے لیے نہیں روکا جائے گا ورنہ اس ہی طرح توڑ دیا جائے گا۔

کراچی کے شہریوں نے بلاول چورنگی کے بلاول بھٹو زرداری کا پروٹوکول توڑ دیا۔

ابھی تو پارٹی شروع کی ہے کراچی والوں نے۔

اب کراچی میں عوام کے ٹیکس پر بنا راستہ کسی VIP کے پروٹوکول کے لئے نہیں روکا جائے گا۔ ورنہ اس ہی طرح توڑ دیا جائے گا
pic.twitter.com/Wl7d9YuFyk

— Saim Rizvi (@sym_riz) May 5, 2026

کاشف علی نے کہا کہ سیکیورٹی کے نام پر ناکہ بندی کلچر ختم ہونا چاہیے۔ عوام عزت اور احترام کے مستحق ہیں۔