سپریم کورٹ آف پاکستان نے ایمان مزاری اور ہادی علی چٹھہ کی سزا معطلی کی درخواستیں سماعت کے لیے مقرر کر دی ہیں۔
عدالتی شیڈول کے مطابق ان درخواستوں پر سماعت 12 مئی کو ہوگی۔ سماعت کے لیے تین رکنی بینچ تشکیل دیا گیا ہے جس کی سربراہی جسٹس شاہد وحید کریں گے۔
یہ بھی پڑھیں:اسلام آباد ہائیکورٹ: ایمان مزاری اور ہادی علی چٹھہ کی سزا کیخلاف اپیلوں پر نوٹس جاری
بینچ میں جسٹس نعیم اختر افغان اور جسٹس شفیع صدیقی بھی شامل ہوں گے۔
دونوں درخواست گزاروں ایمان مزاری اور ہادی علی چٹھہ نے اپنی سزا معطل کرنے کے لیے عدالت سے رجوع کر رکھا ہے۔ اب عدالت اس کیس کی آئندہ سماعت میں درخواستوں پر ابتدائی غور کرے گی۔
