آزاد جموں و کشمیر کی سیاست میں اس وقت بڑی ہلچل پیدا ہوگئی جب وزیراعظم فیصل ممتاز راٹھور نے اپنی کابینہ کے اہم رکن، وزیر منصوبہ بندی و ترقیات اور پاور ڈویلپمنٹ آرگنائزیشن، چوہدری محمد رشید کو عہدے سے برطرف کردیا۔ یہ سخت فیصلہ چوہدری رشید کی مسلم لیگ (ن) کی اعلیٰ قیادت سے ملاقات کے بعد سامنے آیا ہے۔
یہ بھی پڑھیں: آزاد کشمیر الیکشن، نواز شریف نے اہم اجلاس طلب کر لیا
چوہدری محمد رشید نے آج سابق وزیراعظم آزاد کشمیر راجا فاروق حیدر کے ہمراہ اسلام آباد میں مسلم لیگ ن کے سینیئر رہنما رانا ثنا اللہ سے ملاقات کی تھی، ذرائع کے مطابق اس ملاقات میں چوہدری رشید اور مسلم لیگ (ن) کے درمیان معاملات طے پاچکے ہیں اور وہ جلد ہی باقاعدہ طور پر ن لیگ میں شمولیت کا اعلان کرنے والے ہیں۔
چوہدری رشید کی ان سیاسی سرگرمیوں کو وزیراعظم فیصل ممتاز راٹھور نے نظم و ضبط کی خلاف ورزی تصور کرتے ہوئے انہیں وزارت سے فارغ کرنے کا حکم جاری کر دیا۔
یہ بھی پڑھیں: آزاد کشمیر الیکشن: ن لیگ کا ٹکٹ ہاٹ فیورٹ، نواز شریف کی زیرصدارت پارلیمانی بورڈ کے اجلاس میں اہم فیصلے متوقع
سیاسی مبصرین اس اقدام کو آزاد کشمیر کی موجودہ حکومت اور مسلم لیگ (ن) کے درمیان بڑھتی ہوئے سیاسی تناؤ اور مستقبل کی صف بندیوں کے تناظر میں دیکھ رہے ہیں۔
