پاکستان اور بنگلہ دیش کے پہلے ٹیسٹ کے ابتدائی روز میزبان بنگلہ دیش نے مضبوط بیٹنگ کا مظاہرہ کرتے ہوئے 4 وکٹوں کے نقصان پر 301 رنز اسکور کر لیے۔
ڈھاکا میں جاری میچ کے پہلے دن بارش سے متاثرہ کھیل میں مجموعی طور پر 85 اوورز کرائے جا سکے۔ دن کے اختتام پر مشفق الرحیم 48 جبکہ لٹن داس 8 رنز کے ساتھ کریز پر موجود تھے۔
یہ بھی پڑھیے: بھارت پاکستانی ایتھلیٹس کے لیے دروازے کھولنے پر مجبور، کرکٹ سیریز پر پابندی برقرار
بنگلہ دیش کی جانب سے کپتان نجم الحسن شنتو نے شاندار سنچری اسکور کرتے ہوئے 101 رنز بنائے، جبکہ مومن الحق 91 رنز کے ساتھ نمایاں رہے۔ دیگر بیٹرز میں محمود الحسن جوائے 8 اور شادمان اسلام 13 رنز بنا سکے۔
پاکستانی بولرز کو ابتدائی روز خاطر خواہ کامیابی نہ مل سکی اور بنگلہ دیشی بیٹرز نے زیادہ تر وقت وکٹ پر اپنی گرفت مضبوط رکھی۔
اس سے قبل پاکستان ٹیم نے ٹاس جیت کر پہلے فیلڈنگ کا فیصلہ کیا تھا۔ قومی ٹیم کی جانب سے نوجوان بیٹر اذان اویس اور عبداللّٰہ فضل نے ٹیسٹ کرکٹ میں ڈیبیو کیا۔
قومی ٹیم کو اس میچ میں اہم بیٹر بابر اعظم کی خدمات حاصل نہیں، جو گھٹنے کی انجری کے باعث اسکواڈ سے باہر ہیں۔ دونوں ٹیموں کے درمیان سیریز کا دوسرا اور آخری ٹیسٹ میچ 16 مئی سے سلہٹ میں کھیلا جائے گا۔
پاکستان اسکواڈ
شان مسعود، امام الحق، سعود شکیل، محمد رضوان، سلمان آغا، شاہین شاہ آفریدی، نعمان علی، حسن علی، محمد عباس، اذان اویس اور عبداللہ فضل۔
بنگلہ دیش اسکواڈ
محمود الحسن جوئے، شادمان اسلام، مومن الحق، نجم الحسن شانتو، مشفق الرحیم، لٹن داس، مہدی حسن مرزا، تیج الاسلام، تسکین احمد، عبادت حسین، اور ناہید رانا۔
کپتان شان مسعود نے ڈھاکا میں پہلے ٹیسٹ میچ سے قبل پریس کانفرنس کرتے ہوئے کہا تھا کہ بنگلہ دیش کا فاسٹ باؤلنگ اٹیک بہترین ہے امید ہے ان کے خلاف اچھی کرکٹ کھیلنے کو ملے گی۔
