شکارپور کے علاقے میان جو گوٹھ لنک روڈ پر باراتیوں سے بھری بس خوفناک حادثے کا شکار ہو گئی، جس کے نتیجے میں ایک بچے سمیت 8 افراد جاں بحق جبکہ دلہا دلہن سمیت 26 افراد زخمی ہو گئے۔
یہ بھی پڑھیں:دالبندین کے قریب کار اور گیس باؤزر میں تصادم، 10 افراد جاں بحق، 5 زخمی
پولیس کے مطابق حادثہ بس کا ٹائی راڈ ٹوٹنے کے باعث پیش آیا، جس کے بعد گاڑی بے قابو ہو کر کھائی میں جا گری۔ حادثے کے فوراً بعد مقامی افراد اور امدادی ٹیمیں موقع پر پہنچ گئیں اور زخمیوں کو قریبی اسپتال منتقل کیا گیا۔
پولیس حکام کا کہنا ہے کہ بس بلوچستان کے شہر اوستہ محمد سے میر پور برڑو جا رہی تھی کہ میان جو گوٹھ کے مقام پر یہ افسوسناک حادثہ پیش آیا۔
یہ بھی پڑھیں:ہری پور: باراتیوں سے بھری بس حادثہ کا شکار، کمسن بچی سمیت 5 خواتین جاں بحق
حادثے میں زخمی ہونے والوں میں دلہا اور دلہن بھی شامل ہیں، جبکہ کئی زخمیوں کی حالت تشویشناک بتائی جا رہی ہے۔
واقعے کے بعد علاقے میں فضا سوگوار ہو گئی اور جاں بحق افراد کے اہل خانہ میں کہرام مچ گیا۔
