مشیر وزیراعلیٰ پنجاب برائے اے آئی و خصوصی اقدامات علی ڈار کا کہنا ہے کہ چین اور پنجاب کے درمیان معاشی تعاون نئی بلندیوں کو چھوئے گا، جس سے صنعتی ترقی کو مزید رفتار ملے گی۔
انہوں نے کہا کہ ای وی مینوفیکچرنگ اور جدید زرعی ٹیکنالوجی میں چینی سرمایہ کاری پنجاب کی معیشت کے لیے گیم چینجر ثابت ہوگی۔
یہ بھی پڑھیں: مریم نواز کی جاپانی کمپنی موریناگا کو پنجاب میں سرمایہ کاری کی دعوت
مشیر وزیراعلیٰ پنجاب برائے اے آئی و خصوصی اقدامات علی ڈار سے فارچیون 500 کمپنی آئی بی آئی گروپ چائنا کے اعلیٰ سطحی وفد نے اہم ملاقات کی۔
مس لیو ژائی کی قیادت میں چینی وفد سے ملاقات میں پنجاب میں سرمایہ کاری، صنعتی تعاون اور مشترکہ منصوبوں کے فروغ پر تفصیلی تبادلہ خیال کیا گیا۔
مزید پڑھیں: چینی کاروباری گروپ کا پنجاب میں صنعتی منصوبوں پر سرمایہ لگانے پر اتفاق
ملاقات کے دوران تجارت، ای کامرس، زراعت، جدید زرعی ٹیکنالوجی اور الیکٹرک وہیکل مینوفیکچرنگ کے شعبوں میں تعاون بڑھانے پر اتفاق کیا گیا۔
اس موقع پر علی ڈار نے کہا کہ پنجاب کو خطے کا سب سے بڑا سرمایہ کاری مرکز بنانے کے لیے عالمی شراکت داری ناگزیر ہے۔
مزید پڑھیں: سر زمین پنجاب بیش بہا قدرتی خزانوں سے مالامال، دنیا کے سامنے پیش کرنا چاہتے ہیں، مریم نواز
انہوں نے کہا کہ وزیراعلیٰ پنجاب مریم نواز شریف کے وژن کے تحت صوبے میں غیر ملکی سرمایہ کاری کے نئے دروازے کھل رہے ہیں۔
’دوسری جانب حکومت سرمایہ کاروں کو مکمل سہولت، شفاف نظام اور تیز رفتار فیصلوں کی یقین دہانی کروا رہی ہے۔‘
مزید پڑھیں: اسحاق ڈار کی جنوبی افریقہ کی نائب وزیر برائے بین الاقوامی تعلقات سے ملاقات
انہوں نے مزید کہا کہ چین کے ساتھ مضبوط اقتصادی روابط نوجوانوں کے لیے روزگار، ٹیکنالوجی کی منتقلی اور ترقی کے بے شمار مواقع پیدا کریں گے۔
ان کے مطابق پنجاب حکومت صوبے کو اے آئی، جدید صنعت اور جدید معیشت کا پاور ہاؤس بنانے کے مشن پر تیزی سے کام کر رہی ہے۔
