کراچی سے کینجھر جھیل جانے والی ایک مسافر بس تیز رفتاری کے باعث حادثے کا شکار ہوگئی جس کے نتیجے میں خواتین اور بچوں سمیت 20 سے 25 افراد زخمی ہو گئے۔
حادثے کی ویڈیو سوشل میڈیا پر وائرل ہو رہی ہے جس میں دیکھا جا سکتا ہے کہ بس تیز رفتاری کے باعث بے قابو ہو کر سڑک پر الٹ گئی۔ واقعے کے بعد زخمیوں کو فوری طور پر قریبی اسپتال منتقل کر دیا گیا۔
کراچی سے کینجھر جھیل جانے والی کوسٹر حادثے کی ویڈیو منظر عام پر آگئی
خواتین اور بچوں سمیت 25 افراد زخمی ہوگئے۔ اللہ رحم کرے… pic.twitter.com/3NuH5PCyY2— Faisal Shahzad (@FaisalShah84232) May 11, 2026
سوشل میڈیا صارفین نے واقعے پر شدید غم و غصے کا اظہار کرتے ہوئے ٹریفک قوانین کی خلاف ورزی اور تیز رفتاری کے خلاف سخت کارروائی کا مطالبہ کیا ہے۔ ایک صارف سیدہ زہرہ نے کہا کہ ڈرائیور کو سخت سزا دی جانی چاہیے تاکہ آئندہ ایسے حادثات سے بچا جا سکے۔
اگر یہ ڈرائیور زندہ بچ گیا ہے تو اسکو سب سے پہلے پھانسی دینی چاہیے🚨
کراچی سے کینجھر جھیل جانے والی کوسٹر حادثہ کی ویڈیو سامنے آگئی
25 افراد خواتین بچوں سمیت زخمی ہوگئے اللہ رحم کرے ۔۔ pic.twitter.com/S6AKmfJiHx— Syeda Zahra (@ZahraShahPTI) May 11, 2026
ایک سوشل میڈیا صارف نے مطالبہ کیا ہے کہ ایسے ڈرائیورز کے لائسنس منسوخ کیے جانے چاہئیں اور ان کے خلاف اقدامِ قتل کی دفعات کے تحت مقدمہ درج کیا جانا چاہیے کیونکہ یہ اپنی اور دوسروں کی جان کو شدید خطرے میں ڈال دیتے ہیں۔
ایسے جاہلوں کے لائسنس ختم کردینے چاھیے
اور اقدام قتل کی FIR کاٹنی چاھیے
جو اپنے ساتھ ساتھ دوسرے معصوموں کی جان بھی خطرے میں ڈال دیتے ہیں https://t.co/npz4S8CSep— Ruthless ZQ (@Badass1ZQ1) May 11, 2026
حسیب الٰہی لکھتے ہیں کہ کبھی تیز رفتاری، کبھی لاپرواہی، یوں لگتا ہے جیسے کچھ ڈرائیوروں کو گاڑی چلانے کی مہارت ہی حاصل نہیں۔ آخر کب تک قیمتی جانیں اسی طرح ضائع ہوتی رہیں گی؟
کینجھر جھیل جاہلوں کا آماجگاہ 💔
کبھی تیز رفتاری، کبھی لاپرواہی لگتا ہے کچھ ڈرائیوروں کو گاڑی چلانی ہی نہیں آتی۔ آخر کب تک قیمتی جانیں اس طرح ضائع ہوتی رہیں گی؟ 🥲#HaseebElahi #Karachi pic.twitter.com/vXaahAO1C0— Haseeb Elahi (@iHaseebElahi) May 11, 2026
پولیس کے مطابق واقعے کی باقاعدہ تحقیقات شروع کر دی گئی ہیں اور حادثے کی وجوہات جاننے کے لیے شواہد اکٹھے کیے جا رہے ہیں۔
