دو اسلامی ممالک تیونس اور ترکیہ میں اسلامی مہینے ذوالحج کے چاند نظر آنے کی تصدیق ہوگئی ہے، جس کے بعد دونوں ممالک نے عید الاضحیٰ کی تاریخ کا باضابطہ اعلان کردیا ہے۔
میڈیا رپورٹس کے مطابق تیونس ذوالحج کے آغاز کا اعلان کرنے والا پہلا ملک بن گیا ہے۔ ملک میں ہفتہ 16 مئی کو ذوالقعدہ کی 29 تاریخ قرار دی گئی اور چاند نظر آنے کی تصدیق کے بعد یکم ذوالحجہ پیر 18 مئی کو مقرر کی گئی ہے۔
دوسری جانب ترکیہ نے بھی پیر 18 مئی کو یکم ذوالحج قرار دیا ہے۔ ترکیہ میں روایتی رویت ہلال کے بجائے فلکیاتی حسابات پر مبنی پیشگی تیار کردہ اسلامی کیلنڈر پر عمل کیا جاتا ہے، جس کی بنیاد پر یہ تاریخ طے کی گئی۔
دونوں ممالک میں عید الاضحیٰ بدھ 27 مئی کو منانے کا اعلان کیا گیا ہے۔
دوسری جانب سعودی عرب، متحدہ عرب امارات (یو اے ای) اور عمان سمیت بیشتر اسلامی ممالک میں اتوار 17 مئی کی شام ذوالحج کا چاند دیکھنے کی تیاریاں جاری ہیں۔
ان ممالک میں چاند کی رویت کے بعد عید الاضحیٰ کی حتمی تاریخوں کا اعلان کیا جائے گا۔
